പട്ന: പൂവാലന്മാരെ പിടികൂടാൻ ബിഹാറിൽ ആന്റി റോമിയോ സ്‌ക്വാഡ് രൂപീകരിച്ചു. ദുർഗാ പൂജയ്‌ക്കെത്തുന്ന പെൺകുട്ടികളെ ശല്യം ചെയ്യുന്ന പൂവാലന്മാരെ കയ്യോടെ പിടിക്കാൻ ഗോപാൽഗഞ്ച്, മീർഗഞ്ച് എന്നിവിടങ്ങളിലാണ് ആന്റി റോമിയോ സ്ക്വാഡിന്റെ പ്രവർത്തനം.
പൂജ പന്തലുകളിലെ തിക്കിലും തിരക്കിലും പെൺകുട്ടിയെ ശല്യം ചെയ്യുന്നവരും നിരീക്ഷിക്കാൻ ഡ്രോൺ കാമറകൾ അടക്കമുള്ള സംവിധാനങ്ങൾ പൊലീസ് സജ്ജീകരിച്ചിട്ടുണ്ട്. പൂവാല ശല്യത്തെ ചൊല്ലിയുണ്ടാകുന്ന അടിപിടികൾ വർഗീയ സംഘർഷങ്ങൾക്ക് വരെ കാരണമാകുന്ന സാഹചര്യങ്ങളെ കണക്കിലെടുത്താണ് പൊലീസിന്റെ മുൻകരുതൽ.
വനിതാ പൊലീസ് സംഘങ്ങളെയും പ്രദേശത്ത് വിന്ന്യസിച്ചിട്ടുണ്ട്.
പൊലീസിന്റെ ഫ്ലാഗ്‌ മാർച്ചും നടത്തി. . ഗോപാൽഗഞ്ചിലും മീർഗഞ്ചിലും വിപുലമായ രീതിയിലാണ് ദുർഗാ പൂജ പന്തലുകൾ ഒരുക്കുന്നത്. സമീപ പ്രദേശങ്ങളിൽ നിന്നും ജനങ്ങൾ ഇവിടെ എത്താറുണ്ട്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
