ന്യൂഡല്‍ഹി: സാന്‍ഫ്രാന്‍സിസ്‌കോയിലെ ഇന്ത്യന്‍ കോണ്‍സുലേറ്റ് ആക്രമണക്കേസിലെ പത്തുപ്രതികളുടെ ചിത്രങ്ങള്‍ പുറത്തുവിട്ട് എന്‍ഐഎ. കഴിഞ്ഞ മാര്‍ച്ചിലായിരുന്നു ഖലിസ്ഥാന്‍ വാദികള്‍ ഇന്ത്യന്‍ കോണ്‍സുലേറ്റ് ആക്രമിച്ചത്.
ഖലിസ്ഥാന്‍വാദികളുടെ ആക്രമണത്തിനെതിരെ നടപടികള്‍ ശക്തമാക്കുന്നതിന്റെ ഭാഗമായാണ് പ്രതികളുടെ ചിത്രങ്ങളും വിവരങ്ങളും പുറത്തുവിട്ടത്. പ്രതികളെ കുറിച്ച് അറിയുന്നവര്‍ വിവരം കൈമാറണമെന്നാണ് എന്‍ഐഎ അറിയിച്ചിട്ടുള്ളത്.
മാര്‍ച്ച് 19ന് സാന്‍ഫ്രാന്‍സിസ്‌കോയിലെ ഇന്ത്യന്‍ കോണ്‍സുലേറ്റില്‍ അതിക്രമിച്ച് കയറിയ സംഘം ഖലിസ്ഥാന്‍ പതാക കോണ്‍സുലേറ്റില്‍ സ്ഥാപിക്കുകയായിരുന്നു, ജൂലൈ ഒന്നാം തീയതിയിലും സമാനമായ രീതിയില്‍ ആക്രമണം ഉണ്ടായി. അക്രമിസംഘം കോണ്‍സുലേറ്റ് തീ വയ്ക്കാനുള്ള ശ്രമം നടത്തി. ഇതിന് പിന്നാലെ എന്‍ഐഎ സംഘം സാന്‍ഫ്രാന്‍സിസ്‌കോയിലെത്തി അന്വേഷണം നടത്തിയെങ്കിലും പ്രതികളെ പിടികൂടാനായിരുന്നില്ല. അന്വേഷണത്തിന്റെ തുടര്‍നടപടികള്‍ എന്നരീതിയിലാണ് എന്‍ഐഎ പ്രതികളുടെ ചിത്രങ്ങള്‍ പുറത്തുവിട്ടത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
