ചണ്ഡീഗഡ്: ലഹരിമരുന്ന് കേസിൽ പഞ്ചാബിലെ കോൺഗ്രസ് എംഎൽഎ സുഖ്പാൽ സിങ് ഖൈറയെ പൊലീസ് അറസ്റ്റ് ചെയ്തു. 2015 ൽ രജിസ്റ്റർ ചെയ്ത കേസിലാണ് അറസ്റ്റ്. പുലർച്ചെ ഖൈറയുടെ ചണ്ഡീഗഡിലെ വീട്ടിൽ ജലാലാബാദ് പൊലീസ് റെയ്ഡ് നടത്തിയിരുന്നു.
ഇതിനു ശേഷമാണ് സുഖ്പാൽ സിങിനെ പൊലീസ് അറസ്റ്റ് ചെയ്തത്. റെയ്ഡിന്റെ ദൃശ്യങ്ങൾ സുഖ്പാൽ സിങ് ഫെയ്സ്ബുക്കിലൂടെ ലൈവായി കാണിച്ചിരുന്നു. പൊലീസ് ഉദ്യോഗസ്ഥരോട് വാറണ്ട് ചോദിക്കുന്നതും, അറസ്റ്റിന് കാരണം ചോദിക്കുന്നതും വീഡിയോയിൽ കാണാം.
അതേസമയം സുഖ്പാൽ സിങ് ഖൈറയെ അറസ്റ്റ് ചെയ്ത പഞ്ചാബ് പൊലീസിന്റെ നടപടിയെ കോൺഗ്രസ് രൂക്ഷമായി വിമർശിച്ചു. സുഖ്പാലിനെതിരായ നടപടി രാഷ്ട്രീയ വേട്ടയാടലാണ്. അടിസ്ഥാന പ്രശ്നങ്ങളിൽ നിന്നും ശ്രദ്ധ തിരിക്കാനുള്ള പഞ്ചാബ് സർക്കാരിന്റെ നാടകമാണിതെന്നും കോൺഗ്രസ് സംസ്ഥാന പ്രസിഡന്റ് അമരീന്ദർ സിങ് രാജാ വാറിങ് കുറ്റപ്പെടുത്തി.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ