ന്യൂഡല്ഹി: കോണ്ഗ്രസ് എംപിമാരായ ടിഎന് പ്രതാപന്, ഹൈബി ഈഡന് എന്നിവര്ക്കെതിരെ നിലപാട് കടുപ്പിച്ച് ബിജെപി. പാര്ലമെന്റി പാര്ട്ടി ഭാരവാഹികളുടെ യോഗം ചേര്ന്ന ശേഷം എംപിമാര്ക്കെതിരെ നടപടി ആവശ്യപ്പെട്ട് ലോക്സഭാ സ്പീക്കര്ക്ക് കത്ത് നല്കി. രണ്ടു പേരെയും പുറത്താക്കണമെന്നാണ് ബിജെപിയുടെ ആവശ്യം.
രാഹുലിനെ അയോഗ്യനാക്കിയ ലോക്സഭാ സെക്രട്ടേറിയറ്റിന്റെ വിജ്ഞാപനം ഇരുവരും സ്പീക്കറുടെ മുഖത്തേക്ക് കീറി എറിഞ്ഞിരുന്നു. വൈകീട്ട് സഭ ചേര്ന്നപ്പോഴും ഇരുവരും കരിങ്കൊടി കാട്ടുകയും ചെയ്തു.രാഹുല് ഗാന്ധിയെ അയോഗ്യനാക്കിയതില് ലോക് സഭയില് ശക്തമായ പ്രതിഷേധമാണ് ഇന്ന് നടന്നത്. സ്പീക്കര്ക്ക് നേരെ പ്ലക്കാര്ഡ് വലിച്ചെറിഞ്ഞും, പേപ്പര് കീറിയെറിഞ്ഞും മുദ്രാവാക്യം മുഴക്കിയുമായിരുന്നു പ്രതിഷേധം.
അദാനി വിവാദത്തില് ജെപിസി അന്വേഷണം ആവശ്യപ്പെട്ടുള്ള പ്ലക്കാര്ഡുകളും ചെയറിന് നേരെ വലിച്ചെറിഞ്ഞു. സ്ഥിതി വഷളായതോടെ നാല് മണിവരെ ലോക് സഭ നിര്ത്തിവച്ച് സ്പീക്കര് മടങ്ങി. രൂക്ഷമായ മുദ്രാവാക്യങ്ങളുമായി രാജ്യസഭയിലും പ്രതിപക്ഷം പ്രതിഷേധം കടുപ്പിച്ചു. നിമിഷങ്ങള്ക്കുള്ളില് രാജ്യസഭയും പിരിഞ്ഞു. തുടര്ന്ന് ഗാന്ധി പ്രതിമക്ക് മുന്പിലേക്ക് പ്രതിഷേധം മാറ്റി. രാഹുല് ഗാന്ധിയെ അയോഗ്യനാക്കിയത് ജനാധിപത്യത്തിലെ കറുത്ത അധ്യായമാണെന്ന സന്ദേശം നല്കി കറുത്ത വസ്ത്രവും മാസ്കും ധരിച്ചെത്തിയ എംപിമാര് വിജയ് ചൗക്കിലേക്ക് പ്രതിഷേധ മാര്ച്ച് നടത്തി.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ