റാഞ്ചി: അഴിമതിക്കേസില് ഇഡി അറസ്റ്റു ചെയ്തതിനെ ചോദ്യം ചെയ്ത് ഝാര്ഖണ്ഡ് മുന് മുഖ്യമന്ത്രി ഹേമന്ത് സോറന് ഹൈക്കോടതിയില് ഹര്ജി നല്കി. ഹര്ജി ആക്ടിങ് ചീഫ് ജസ്റ്റിസിന്റെ നേതൃത്വത്തിലുള്ള ബെഞ്ച് രാവിലെ പരിഗണിക്കും.
ആക്ടിങ് ചീഫ് ജസ്റ്റിസ് ശ്രീ ചന്ദ്രശേഖര്, ജസ്റ്റിസ് അനുഭ റാവത്ത് ചൗധരി എന്നിവരടങ്ങിയെ ബെഞ്ചാണ് ഹര്ജി പരിഗണിക്കുക. ഖനന അഴിമതിക്കേസിലാണ് ഹേമന്ത് സോറനെ ഇഡി അറസ്റ്റ് ചെയ്തത്. ഏഴു മണിക്കൂറോളം ചോദ്യം ചെയ്തതിനു ശേഷമാണ് ഇഡി സോറന്റെ അറസ്റ്റ് രേഖപ്പെടുത്തിയത്.
2020-22 ല് വ്യാജരേഖ ചമച്ച് ആദിവാസി ഭൂമി തട്ടിയെടുത്തു, ഖനന വകുപ്പിന്റെ ചുമതലയുള്ള ഹേമന്ത് സോറന് പദവി ദുരുപയോഗം ചെയ്ത് റാഞ്ചിയില് 0.88 ഏക്കര് ഖനിയുടെ പാട്ടക്കരാര് നേടി എന്നിവ അടക്കം മൂന്നു കള്ളപ്പണ കേസുകളാണ് ഇഡി രജിസ്റ്റര് ചെയ്തിട്ടുള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ