മുംബൈ: ശിവസേന ഉദ്ധവ് താക്കറെ വിഭാഗം നേതാവിന്റെ മകനെ ഫെയ്സ്ബുക്ക് ലൈവിനിടെ വെടിവെച്ചു കൊന്ന ശേഷം അക്രമി ജീവനൊടുക്കി. വിനോദ് ഗൊസാല്ക്കറുടെ മകന് അഭിഷേക് ആണ് വെടിയേറ്റ് മരിച്ചത്. അഭിഷേകിനൊപ്പം ഫെയ്സ്ബുക്ക് ലൈവ് ചെയ്തിരുന്നയാളാണ് വെടിവച്ചത്. പിന്നീട് അയാള് സ്വയം നിറയൊഴിച്ച് ജീവനൊടുക്കുകയായിരുന്നു.
സംഭവത്തിന്റെ ദൃശ്യങ്ങള് പുറത്തുവന്നു. ശിവസേന ഉദ്ധവ് വിഭാഗം മുന് കൗണ്സിലറാണ് വിനോദ് ഗോസാല്ക്കര്. മൗറിസ് ഭായ് എന്നയാളുടെ ഓഫിസില് വച്ചാണ് സംഭവമെന്നാണു റിപ്പോര്ട്ട്.
അഭിഷേകും ഇയാളും തമ്മിലുള്ള പ്രശ്നങ്ങള് അടുത്തിടെ രമ്യതയിലാക്കിയിരുന്നു. തുടര്ന്ന് ഒരു പരിപാടിക്കായി അഭിഷേകിനെ ഓഫിസിലേക്ക് വിളിച്ചുവരുത്തുകയായിരുന്നു. പരിപാടിക്കിടെ അഭിഷേകിനെ വെടിവച്ചു കൊലപ്പെടുത്തുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ