ചെന്നൈ: ബിജെപിയുടെ ജയ് ശ്രീ റാം, ഭാരത് മാതാ കീ ജയ് എന്നീ ആശയങ്ങള് തമിഴ്നാട് ഒരിക്കലും അംഗീകരിക്കില്ലെന്ന് ഡിഎംകെ നേതാവ് എ രാജ. ഇന്ത്യ ഒരുരാഷ്ട്രമല്ലെന്നും ഒരു ഉപഭൂഖണ്ഡമാണെന്നും രാജ പറഞ്ഞു. രാജയുടെ വിവാദപരാമര്ശത്തിനെതിരെ രൂക്ഷവിമര്ശനവുമായി ബിജെപി നേതാക്കള് രംഗത്തെത്തി.
'ഇന്ത്യയെന്നത് ഒരു രാഷ്ട്രമല്ല. ഇത് നന്നായി മനസ്സിലാക്കുക. ഒരു രാഷ്ട്രം എന്നാല് ഒരു ഭാഷ, ഒരു പാരമ്പര്യം, ഒരു സംസ്കാരം എന്നതാണ്. അങ്ങനെയെങ്കില് ഇന്ത്യ ഒരു രാഷ്ട്രമല്ല, ഒരു ഉപഭൂഖണ്ഡമാണ്. എന്താണ് കാരണം? ഇവിടെ , തമിഴ് ഒരു രാജ്യമാണ്. മലയാളം ഒരു ഭാഷ, ഒരു രാഷ്ട്രമാണ്. ഒറിയ ഒരു രാഷ്ട്രമാണ്, ഒരു ഭാഷയാണ്, ഈ രാഷ്ട്രങ്ങളെല്ലാം ഇന്ത്യയാണ്, അതിനാല്, ഇന്ത്യ ഒരു രാജ്യമല്ല, ഒരു ഉപഭൂഖണ്ഡമാണ്. ഇന്ത്യയില് എത്രയോ പാരമ്പര്യങ്ങളും സംസ്കാരങ്ങളുമുണ്ട്. തമിഴ്നാട്ടില് വന്നാല് ഒരു സംസ്കാരമുണ്ട്. കേരളത്തില് മറ്റൊരു സംസ്കാരമാണ്.ഡല്ഹിയില് മറ്റൊരു സംസ്കാരമാണ്. മണിപ്പൂരില് അവര് നായ മാംസം കഴിക്കുന്നു, അതെ, അത് ശരിയാണ്, അവര് കഴിക്കുന്നു, അതൊരു സംസ്കാരമാണ്, കുഴപ്പമൊന്നുമില്ല, എല്ലാം അതില് ഉണ്ട്' രാജ പറഞ്ഞു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
അതേസമയം, രാജയുടെ പ്രസംഗം വിദ്വേഷം ഉണ്ടാക്കുന്നതാണെന്ന ആരോപണവുമായി ബിജെപി നേതാക്കള് രംഗത്തെത്തി. രാമനെ അപമാനിച്ചെന്നും രാജ്യത്തിന്റെ അഖണ്ഡത ചോദ്യം ചെയ്തെന്നും ബിജെപി നേതാവ് അമിത് മാളവ്യ പറഞ്ഞു. ഡിഎംകെ നേതാക്കൡല് നിന്ന് നിരന്തരമായ വിദ്വേഷ പ്രസംഗങ്ങള് ഉണ്ടാകുന്നു. ആളുകളില് ശത്രുത വളര്ത്തുന്നതാണ് രാജ പ്രസംഗത്തിലൂടെ ചെയ്തതെന്നും അദ്ദേഹം പറഞ്ഞു. ഇന്ത്യ എന്ന ആശയത്തെ ചോദ്യം ചെയ്യുന്നതിനൊപ്പം മണിപ്പൂരികളെ പ്രസംഗത്തില് അവഹേളിച്ചതായും മാളവ്യ പറഞ്ഞു.
ഡിഎംകെ നേത്തതാളുടെ പ്രസംഗത്തില് കോണ്ഗ്രസും ഇന്ത്യാ മുന്നണിയിലെ മറ്റ് സഖ്യകക്ഷികളും നിശബ്ദരാണ്. രാഹുല് ഗാന്ധി മൗനം തുടരുന്നതിനെയും മാളവ്യ വിമര്ശിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ