ന്യൂഡല്‍ഹി: സാമ്പത്തിക മൂലധന ചട്ടക്കൂട് പുനഃപരിശോധിക്കാന്‍ ആര്‍ബിഐ വിദഗ്ധ സമിതിയെ നിയോഗിച്ചു. കരുതല്‍ ധനശേഖരത്തിന്റെ അടക്കം പ്രധാനപ്പെട്ട സാമ്പത്തിക കാര്യങ്ങളാണ് സമിതി കൈകാര്യം ചെയ്യുക. ആര്‍ബിഐ മുന്‍ ഗവര്‍ണര്‍ ബിമന്‍ ജലാന്‍ ചെയര്‍മാന്‍ സ്ഥാനം വഹിക്കുന്ന സമിതിയില്‍ ആറംഗങ്ങളാണുള്ളത്.
റിസര്‍വ്വ് ബാങ്ക് മുന്‍ സെക്രട്ടറി രാകേഷ് മോഹന്‍ ആണ് വൈസ് ചെയര്‍മാന്‍. സാമ്പത്തികകാര്യ സെക്രട്ടറി സുഭാഷ് ചന്ദ്ര ഗാര്‍ഗ്, ആര്‍ബിഐ ഡെപ്യൂട്ടി ഗവര്‍ണര്‍ എന്‍എസ് വിശ്വനാഥന്‍, സെന്‍ട്രല്‍ ബോര്‍ഡ് അംഗങ്ങളായ ഭരത് ദോഷി, സുധീര്‍ മങ്കാഡ് എന്നിവരാണ് മറ്റ് സമിതിയംഗങ്ങള്‍. സമിതി റിസര്‍വ്വ് ബാങ്കിന് റിപ്പോര്‍ട്ട് നല്‍കും. നവംബര്‍ 19 ന് കൂടിയ ആര്‍ബിഐ ബോര്‍ഡ് യോഗ തീരുമാന പ്രകാരമാണ് സമിതി രൂപീകരിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
