കൊച്ചി: സംസ്ഥാനത്തുടനീളം വോഡഫോണ്- ഐഡിയ (വി) നെറ്റ് വര്ക്കുകള് തകരാറിലായത് ഉപയോക്താക്കളെ വലച്ചു. വൈകീട്ട് 4.30-ഒടെയാണ് തകരാര് രൂക്ഷമായത്. കേരളത്തില് എറണാകുളം, തൃശൂര്, കോഴിക്കോട്, തിരുവനന്തപുരം എന്നിവിടങ്ങളിലാണ് തകരാറുള്ളതായി പരാതി ഉയര്ന്നത്.
രാജ്യത്തിന്റെ വിവിധ മേഖലകളില് ഈ പ്രശ്നം നേരിടുന്നുണ്ടെന്നാണ് വിവരം. മുംബൈ, ചെന്നൈ, പുനെ എന്നിവിടങ്ങളിലും പ്രശ്നം രൂക്ഷമാണെന്ന് ഡൗണ് ഡിറ്റക്ടര് വെബ്സൈറ്റ് വ്യക്തമാക്കുന്നു. നിരവധി ഉപയോക്താക്കള് തങ്ങള്ക്ക് നെറ്റ്വര്ക്ക് ലഭിക്കുന്നില്ലെന്ന പരാതി ട്വിറ്ററിലൂടെ അറിയിച്ചിട്ടുണ്ട്.
എന്താണ് തകരാറുണ്ടാകാനുള്ള കാരണമെന്ന് വ്യക്തമല്ല. കനത്ത മഴയെ തുടര്ന്ന് പൂനെയിലും മഹാരാഷ്ട്രയിലെ മറ്റ് നഗരങ്ങളിലും വി നെറ്റ് വര്ക്ക് തകരാറിലായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ