ന്യൂഡല്ഹി: സര്ക്കാരിന്റെ വിവിധ സേവനങ്ങള്ക്ക് തിരിച്ചറിയല് രേഖയായി മുഖ്യമായി ചോദിക്കുന്നത് ആധാറാണ്. ഇപ്പോള് ആധാറുമായി ബന്ധപ്പെട്ട് സോഷ്യല്മീഡിയയില് അടക്കം ഒരു സന്ദേശം വ്യാപകമായാണ് പ്രചരിക്കുന്നത്. ആധാര് കാര്ഡ് കൈവശമുള്ളവര്ക്ക് അഞ്ചുലക്ഷത്തോളം രൂപ കേന്ദ്രസര്ക്കാര് വായ്പയായി നല്കുമെന്നതാണ് പോസ്റ്റ്. ഇത് വ്യാജമാണെന്ന് കേന്ദ്രസര്ക്കാര് അറിയിച്ചു.
ആധാര് കാര്ഡ് കൈവശമുള്ളവര്ക്ക് വായ്പയായി 4,78,000 രൂപ കേന്ദ്രസര്ക്കാര് അനുവദിക്കുമെന്നതാണ് സോഷ്യല്മീഡിയയില് അടക്കം പ്രചരിക്കുന്ന സന്ദേശത്തിന്റെ ഉള്ളടക്കം. ഇത് വ്യാജമാണെന്ന് കേന്ദ്രസര്ക്കാരിന്റെ കീഴിലുള്ള പ്രസ് ഇന്ഫര്മേഷന് ബ്യൂറോയുടെ ഫാക്ട് ചെക്ക് അറിയിച്ചു.
ഇത്തരത്തില് ഒരു പദ്ധതി കേന്ദ്രസര്ക്കാര് പ്രഖ്യാപിച്ചിട്ടില്ല. അന്വേഷണത്തില് വായ്പയുമായി ബന്ധപ്പെട്ട് പ്രചരിക്കുന്ന സന്ദേശം വ്യാജമാണെന്ന് തിരിച്ചറിഞ്ഞു. ഇത്തരം സന്ദേശം പ്രചരിക്കുന്നതില് നിന്ന് എല്ലാവരും വിട്ടുനില്ക്കണമെന്നും പിഐബി അഭ്യര്ഥിച്ചു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ