2000 രൂപ നോട്ട് ഇപ്പോഴും കൈയിലുണ്ടോ?; സമയപരിധി നാളെ അവസാനിക്കും
ന്യൂഡല്ഹി: 2000 രൂപ നോട്ടുകള് മാറ്റിയെടുക്കാന് ഇനി ഒരു ദിവസം കൂടി. നാളെയാണ് ( ശനിയാഴ്ച) അവസാന ദിവസം. മെയ് 19 നാണ് 2000 രൂപയുടെ കറന്സി പിന്വലിക്കുന്നതായി റിസര്വ് ബാങ്ക് പ്രഖ്യാപിച്ചത്.
വിനിമയത്തിലുള്ള 2000 രൂപ നോട്ടുകളില് 93 ശതമാനവും തിരിച്ചെത്തിയെന്നാണ് ഈ മാസം ആദ്യം റിസര്വ് ബാങ്ക് വ്യക്തമാക്കിയത്. മെയ് 23 മുതലായിരുന്നു കറന്സി മാറ്റിയെടുക്കാന് അവസരം നല്കിയത്.
സെപ്റ്റംബര് 30നകം കൈവശമുള്ള 2000 രൂപ നോട്ടുകള് മുഴുവനായി മടക്കി നല്കണമെന്നതാണ് റിസര്വ് ബാങ്കിന്റെ അഭ്യര്ഥന. ഈ സമയപരിധി നീട്ടുമോ എന്ന കാര്യത്തില് റിസര്വ് ബാങ്ക് തീരുമാനം എടുത്തിട്ടില്ല. എന്നാല് നോട്ടിന്റെ നിയമപ്രാബല്യം തുടരുമെന്നും റിസര്വ് ബാങ്ക് അറിയിച്ചിട്ടുണ്ട്.
നോട്ട് നിക്ഷേപിക്കുന്നതിനും മാറ്റിയെടുക്കുന്നതിനും ബാങ്കുകളില് പ്രത്യേക സംവിധാനം ഒരുക്കിയിട്ടുണ്ട്. ഒരേ സമയം 20,000 രൂപ വരെ മൂല്യമുള്ള 2000 രൂപയുടെ പത്തു നോട്ടുകള് വരെ മാറ്റിയെടുക്കാനുള്ള സംവിധാനമാണ് ബാങ്കുകളില് ഒരുക്കിയിരിക്കുന്നത്. അക്കൗണ്ട് ഇല്ലാത്ത ബാങ്കുകളിലും വ്യക്തികള്ക്ക് നോട്ടുകള് മാറിയെടുക്കാം. 500, ആയിരം രൂപ നോട്ടുകള് നിരോധിച്ചതിന് പിന്നാലെ 2016ലാണ് 2000 രൂപ നോട്ട് അവതരിപ്പിച്ചത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ