വാര്‍ത്ത വായനക്കിടെ മൂക്കില്‍ നിന്നും രക്തം ഒഴുകി; ആത്മസംയമനം വിടാതെ ജോലിയില്‍ മുഴുകി അവതാരകന്‍( വീഡിയോ)
By സമകാലിക മലയാളം ഡെസ്‌ക്‌ | Published: 12th December 2018 09:24 PM |
Last Updated: 12th December 2018 09:24 PM | A+A A- |
മൂക്കില്‍ നിന്നും രക്തം ഒഴുകിക്കൊണ്ടിരുക്കുമ്പോഴും വാര്‍ത്ത അവതരണം നിര്‍ത്താതെ അവതാരകന്‍. കൊറിയന്‍ ചാനലായ സ്‌പോ ടിവിയുടെ അവതാരകന്‍ ജോ ഹുയിന്‍ ഇല്‍ ആണ് ആത്മാര്‍ഥത കൊണ്ട് കൈയടി നേടിയിരിക്കുന്നത്. ഇപ്പോള്‍ ഈ വീഡിയോ സമൂഹമാധ്യമങ്ങളില്‍ വൈറലായിരിക്കുകയാണ്.
കായിക വാര്‍ത്ത അവതരിപ്പിച്ചുകൊണ്ടിരിക്കുന്നതിന്റെ ഇടയ്ക്കാണ് ജോയുടെ മൂക്കില്‍ നിന്നും രക്തം ഒഴുകിയത്. മൂക്ക് തുടച്ചപ്പോള്‍ കയ്യില്‍ രക്തം പറ്റിയിട്ടും ജോ ആത്മസംയമനം കൈവിടാതെ അവതരണം തുടര്‍ന്നു.
ജോയുടെ മൂക്കില്‍ നിന്നും രക്തം വരുന്നത് ഒപ്പമുണ്ടായിരുന്ന അവതാരകന്‍ ആ സമയം കണ്ടില്ല. ജോയുടെ നേരെ വാര്‍ത്തയെക്കുറിച്ചുള്ള പ്രതികരണങ്ങള്‍ പറഞ്ഞുകൊണ്ട് തിരിഞ്ഞപ്പോഴാണ് മൂക്കില്‍ നിന്നും നിലയ്ക്കാതെ ഒഴുകുന്ന രക്തം കണ്ടത്. ജോയ്ക്ക് ആത്മസംയമനം നഷ്ടമായില്ലെങ്കിലും ഒപ്പമുണ്ടായിരുന്ന അവതാരകന്‍ ഭയക്കുന്നതും വിഡിയോയില്‍ കാണാം. വാര്‍ത്ത അവതരപ്പിച്ച് തീര്‍ന്നതിന് ശേഷമാണ് ജോ മാറിയത്.
오늘자 NBA 혈전 ㅋㅋㅋㅋㅋㅋㅋㅋㅋ
— SPOTV (@Spotv_sports) December 6, 2018
그 와중에도 프로다운 자세... #갓현일 pic.twitter.com/wFw6r3Zi8C
