രക്ഷാപ്രവര്ത്തനത്തിനിടെ വെള്ളക്കെട്ടില് വീണുമരിച്ച യുവാവ് നാടിന് തീരാനൊമ്പരമായി. കോഴിക്കോട് ചെറുവണ്ണൂരില് രക്ഷാപ്രവര്ത്തനത്തിനിടെയാണ് ബിനു എന്ന യുവാവ് വെള്ളക്കെട്ടില് വീണ് മരിച്ചത്. സ്വന്തം വീട് പ്രളയത്തില് മുങ്ങിയതോടെ അമ്മയും ബന്ധുക്കളും കഴിയുന്ന ദുരിതാശ്വാസ ക്യാമ്പിലേക്കാണ് ബിനുവിന്റെ മൃതദേഹം കൊണ്ടുവന്നത്. അമ്മയുടെ നെഞ്ചു തകര്ന്നുള്ള നിലവിളിയില് ക്യാമ്പിലുള്ളവര് എന്തുചെയ്യണം എന്നറിയാതെ പകച്ചു നിന്നു...
രണ്ടുദിവസം മുന്പ് മഴ ശക്തമായപ്പോഴാണ് ബിനു നാട്ടുകാര്ക്കൊപ്പം രക്ഷാപ്രവര്ത്തനത്തിന് ഇറങ്ങിയത്. ഒട്ടേറെ പേരെ സുരക്ഷിത സ്ഥലത്തേക്ക് മാറ്റുകയും ചെയ്തു. പിന്നീട് രാത്രിയോടെ ബിനുവിനെ കാണാതാവുകായിരുന്നു.
തുടര്ന്ന് നാട്ടുകാരും ഫയര്ഫോഴ്സും ചേര്ന്ന് തിരച്ചില് ആരംഭിച്ചെങ്കിലും കണ്ടെത്താനായില്ല. ഒരു ദിവസത്തിലേറെ നീണ്ട തിരച്ചിലുകള്ക്കൊടുവില് വെള്ളക്കെട്ടില് വീണ് മരിച്ച നിലയില് ബിനുവിന്റെ മൃതദേഹം കണ്ടെത്തുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ