പ്രണയം തുറന്നുപറയാനും വിവാഹാഭ്യര്ഥന നടത്താനും വേറിട്ട മാര്ഗങ്ങള് തേടുന്നവരാണ് ഇന്നത്തെ പുതുതലമുറ. ഇത്തരം വേറിട്ട നീക്കങ്ങളുടെ വിഡിയോ പകര്ത്തി സോഷ്യല് ഇടങ്ങളില് പോസ്റ്റ് ചെയ്യുന്നതും ഇപ്പോഴത്തെ ട്രെന്ഡാണ്. അത്തരത്തില് ഒരു വിഡിയോ കാരണം പുലിവാല് പിടിച്ചിരിക്കുകയാണ് ഈ കമിതാക്കള്. വിവാഹ അഭ്യര്ത്ഥനയുടെ വിഡിയോ വൈറലായതോടെ കമിതാക്കളെ പൊലീസ് അറസ്റ്റ് ചെയ്തു. ഇറാന് സ്വദേശികളായ കമിതാക്കളാണ് പൊലീസ് പിടിയിലായത്.
തിരക്കുള്ള ഷോപ്പിങ് മാളില് വച്ചായിരുന്നു ഈ പ്രണയം പറച്ചില്. റോസാപ്പൂക്കളുടെ ഇതളുകള് പോലെയുള്ള മോതിരമാണ് ഇരുവരും പരസ്പരം കൈമാറിയത്.വിവാഹ അഭ്യര്ഥന സ്വീകരിച്ച യുവതീ ഉടന് കാമുകനെ കെട്ടിപ്പിടിക്കുകയും ചെയ്തു. ഈ വിഡിയോ വൈറലായതോടെ ഇവരെ പൊലീസ് അറസ്റ്റ് ചെയ്തു. സംസ്കാരത്തിനും മതത്തിനും എതിരായി പെരുമാറിയെന്നാരോപിച്ചാണ് ഇരുവരെയും അറസ്റ്റ് ചെയ്തെന്ന് പൊലീസ് വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ