ചൂണ്ടയിട്ട് മീൻ പിടിക്കുന്നത് കണ്ടിട്ടുണ്ട്. എന്നാൽ മീൻ ചൂണ്ടയിൽ കുരുങ്ങുന്നത് കണ്ടിട്ടുണ്ടോ?, മീൻ ചൂണ്ടയിൽ കുരുങ്ങുന്നതിന്റെ ദൃശ്യങ്ങളാണ് ഇപ്പോൾ സോഷ്യൽമീഡിയയിൽ വൈറലാകുന്നത്.
പ്രത്യേകം നിർമിച്ച ചൂണ്ടിയിൽ ക്യാമറ ഘടിപ്പിച്ചാണ് ഈ വേറിട്ട മീൻപിടുത്തം. എംഫോർ ടെക് എന്ന യൂട്യൂബ് ചാനലിലാണ് ഫിഷ് ട്രാപ്പ് എന്ന വിഡിയോ പങ്കുവച്ചിരിക്കുന്നത്.
പ്രത്യേകം നിർമിച്ച മീൻ പിടുത്ത ചൂണ്ടയിൽ ഒന്നിലധികം കൊളുത്തുകൾ കാണാം. ഇതിൽ മണ്ണിരയെ കോർത്താണ് വേറിട്ട മീൻപിടുത്തം.
ഇതിൽ അഞ്ചുകൊളുത്തുകളിൽ മണ്ണിരയെ കോർത്ത് വെള്ളത്തിൽ മുക്കി വയ്ക്കണം. ചൂണ്ടയുടെ ഒരുവശത്ത് ക്യാമറ ഘടിപ്പിച്ചിട്ടുണ്ട്. ഇര തിന്നാൽ മീൻ വരുന്നതും ചൂണ്ടയിൽ കുടുങ്ങുന്നതും നമുക്ക് കരയിലിരുന്ന് തൽസമയം കാണാനും കഴിയും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
