കൊൽക്കത്ത: ശരീരത്തിൽ മുറിവേറ്റതിനെ തുടർന്ന് മരുന്ന് വയ്ക്കാനായി മെഡിക്കൽ ഷോപ്പിലെത്തുന്ന കുരങ്ങന്റെ വീഡിയോ സാമൂഹിക മാധ്യമങ്ങളിൽ വൈറൽ. അമ്പരപ്പിക്കുന്ന തരത്തിലാണ് കുരങ്ങന്റെ ഇടപെടലുകൾ.
കുരങ്ങിനെ കണ്ടപ്പോൾ തന്നെ ഫാർമസിസ്റ്റിന് കാര്യം മനസിലായി. ഉടൻ തന്നെ അതിന് വേണ്ട ചികിത്സ നൽകുകയായിരുന്നു. പശ്ചിമ ബംഗാളിലെ ബിർഭൂം ജില്ലയിലെ മല്ലാർപൂരിലാണ് ഈ വിചിത്ര സംഭവം.
ഫാർമസിസ്റ്റും മറ്റൊരാളും ചേർന്നാണ് കുരങ്ങിനെ ചികിത്സിച്ചത്. മുറിവിൽ ആദ്യം മരുന്ന് പുരട്ടിയപ്പോൾ വേദന കൊണ്ട് കാല് മാറ്റുകയും പിന്നീട്, അനുസരണയോടെ ഇരുന്നു കൊടുക്കുകയും ചെയ്യുന്ന കുരങ്ങിനെ വീഡിയോയിൽ കാണാം.
മുറിവിൽ മരുന്ന് പുരട്ടിക്കഴിഞ്ഞ് ഗുളികയും കഴിച്ചാണ് കുരങ്ങൻ മടങ്ങുന്നത്. പിന്നീട് മുറിവുണങ്ങാനുള്ള മരുന്നും ജീവനക്കാരൻ കുരങ്ങന് നൽകി. മെഡിക്കൽ ഷോപ്പിലെത്തി അനുസരണയോടെ മരുന്നും പുരട്ടി മടങ്ങുന്ന കുരങ്ങന്റെ വീഡിയോ ആയിരക്കണക്കിന് പേരാണ് ഇതിനോടകം കണ്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
