സ്റ്റൈലിഷ് ലുക്കില്‍ പാരീസില്‍ പ്രത്യക്ഷപ്പെട്ട് ആരാധകരെ അമ്പരപ്പിക്കുകയാണ് ഇന്ത്യയുടെ ടെന്നീസ് താരം സാനിയ മിര്‍സ ഇപ്പോള്‍. സഹോദരിയുടെ വിവാഹത്തിന് മുന്‍പായി പാരിസില്‍ കറങ്ങുന്ന സാനിയ ക്ലാസിക്, സ്റ്റൈലിഷ് ഔട്ട്ഫിറ്റുകളിലൂടെയാണ് ആരാധകരുടെ കയ്യടി വാങ്ങുന്നത്.
സഹോദരി അനം മിര്‍സയ്‌ക്കൊപ്പം പാരീസില്‍ നിന്നെടുത്ത ഫോട്ടോയില്‍ ആരാധകരെ ഏറെ ആകര്‍ഷിക്കുന്നത് കറുപ്പ് നിറത്തിലുള്ള ടര്‍ട്ടില്‍ നെക് ഡ്രസിലുള്ളവയാണ്. ഒപ്പം ബീജ് ഓവര്‍കോട്ടും. ഇതിലേക്ക് ഗൂച്ചി ബെല്‍റ്റ് കൂടി വരുന്നതോടെ ആകെ മൊത്തം സ്‌റ്റേലിഷ്...
39,229 രൂപയാണ് ഈ ഗൂച്ചി ബെല്‍റ്റിന്റെ വില. സ്ത്രീകള്‍ക്ക് വേണ്ടി ഫ്രഞ്ച് ഫാഷന്‍ കമ്പനിയായ ലൂയി വെറ്റോണ്‍ ഒരുക്കിയ ടൈം ഔട്ട് കളക്ഷനിലെ റോസ് സ്‌നിക്കേഴ്‌സാണ് ആരാധകരെ ആകര്‍ഷിക്കുന്ന മറ്റൊന്ന്. 66,496 രൂപയാണ് ഈ സ്‌നിക്കേഴ്‌സിന്റെ വില. പാരീസില്‍ നിന്ന് ഈഫല്‍ ടവറിന് മുന്‍പില്‍ നിന്നുള്‍പ്പെടെയുള്ള സ്റ്റൈലിഷ് ലുക്കിലെ ചിത്രങ്ങളും സാനിയ ആരാധകര്‍ക്കായി പങ്കുവയ്ക്കുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
