കൊറോണ വൈറസിന്റെ വ്യാപനത്തിന് തടയിടാൻ സാമൂഹിക അകലം പാലിക്കണമെന്ന നിർദേശത്തെതുടർന്ന് കനത്ത ജാഗ്രതയിലാണ് ആളുകൾ. ജോലി വീട്ടിൽ നിന്നാക്കിയും പരിപാടികൾ മാറ്റിവച്ചുമൊക്കെ പരമാവധി ആളുകളുമായുള്ള സമ്പർക്കം കുറയ്ക്കുകയാണ് എല്ലാവരും. എന്നാൽ അത്യാവശ്യ കാര്യങ്ങൾക്കായെങ്കിലും പുറത്തിറങ്ങാൻ പലരും നിർബന്ധിതരാകുന്നുണ്ട്. ആശുപത്രി സേവനങ്ങളും മരണാവശ്യങ്ങളുമൊക്കെ പലപ്പോഴും ഒഴിച്ചുകൂടാൻ കഴിയാത്തവയാണ്. എന്നാലിപ്പോൾ സൂപ്പർമാർക്കറ്റിൽ പോകാൻ പുത്തൻ ഐഡിയ പ്രയോഗിച്ച സ്ത്രീയുടെ വിഡിയോയാണ് വെെറലാകുന്നത്.
സോർബ് ബോളിൽ സ്വയം ഐസൊലേറ്റഡ് ആയി ഷോപ്പിങ് നടത്താനെത്തിയ സ്ത്രീയെയാണ് വിഡിയോയിൽ കാണാൻ കഴിയുക. ഇവർക്കൊപ്പമുള്ള മറ്റൊരാൾ പറഞ്ഞുകൊടുക്കുന്ന ഭക്ഷണസാധനങ്ങൾ എടുക്കുന്നത് കാണാം.സൂപ്പർമാർക്കറ്റിലെ ജീവനക്കാർ ഷോപ്പിങ്ങിനിടെ ഇവരുമായി തർക്കത്തിലേർപ്പെടുന്നതും വിഡിയോയിലുണ്ട്. ഈ സമയം സത്രീ ജെർമോഫോബ് (അഴുക്കും അണുക്കളും പേടി) ആണെന്നായിരുന്നു മറുപടി.
സോർബ് ബോൾ സൂപ്പർമാർക്കറ്റിനുള്ളിൽ അനുവദിക്കില്ലെന്നും ഉടൻ പുറത്തിറങ്ങണമെന്നും ആണ് ജീവനക്കാർ ആവശ്യപ്പെടുന്നത്. എന്നാൽ സംഗതി പ്രാങ്ക് വിഡിയോ ആണോ എന്ന കാര്യത്തിൽ വ്യക്തതയില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ