ബ്രേക്ക്ഫാസ്റ്റിന് പറാത്ത കഴിക്കാൻ ഇഷ്ടപ്പെടാത്തവർ കുറവായിരിക്കും. അടിപൊളി ഫില്ലിംഗ് നൽകി അച്ചാറിനും തൈരിനുമൊപ്പം കഴിച്ചാൽ പെർഫക്ട് സ്റ്റാർട്ട് തന്നെയാകും അത്. എന്നാലിതാ പതിവ് കോമ്പിനേഷൻ എല്ലാം തെറ്റിച്ച് മിഠായികൾ നിറച്ച പറാത്തയുടെ വിഡിയോ ആണ് ഇപ്പോൾ വൈറലാകുന്നത്. കേക്കുമ്പോൾ വിചിത്രമായി തോന്നുമെങ്കിലും സംഗതി ഉള്ളതാണ്.
ഒരു ഫുഡ് വ്‌ളോഗർ അപ് ലോഡ് ചെയ്ത പുതിയ വിഡിയോയിലാണ് 'കാൻഡി പറാത്ത' ഹിറ്റായിരിക്കുന്നത്. മാവ് പരത്തിയെടുത്തതിന് ശേഷം മിഠായികൾ പൊടിച്ചെടുത്ത് അതിൽ നിറയ്ക്കും. സാധാരണ പറാത്ത ഉണ്ടാക്കുന്ന അതേ രീതി തന്നെയാണ് തുടരുന്നത്. ചമ്മന്തിക്കൊപ്പമാണ് ഇത് വിളമ്പുന്നത്. ഡൽഹിയിലെ ചാന്ദിനി ചൗക്കിൽ നിന്നുള്ള വിഡിയോയാണ് ഇത്.
വിഡിയോ കണ്ടവരിൽ നിന്ന് സമ്മിശ്ര പ്രതികരണമാണ് ലഭിക്കുന്നത്. ചിലർ സംഭവം അടിപൊളിയായിരിക്കുമെന്ന് പറയുമ്പോൾ മറ്റുചിലർക്ക് ഇത് ആലോചിക്കാൻ പോലും പറ്റാത്ത അവസ്ഥയാണ്. ഡെസർട്ടായി കഴിക്കാൻ കൊള്ളാം എന്നാണ് പലരും പറയുന്നത്. പലർക്കും ഒറിജിനൽ പറാത്തയെ ഇങ്ങനെ മാറ്റുന്നതിനോട് അത്ര യോജിപ്പില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
