കാട്ടിലാണെങ്കിലും നാട്ടിലാണെങ്കിലും പോര് പോര് തന്നെയാണ്. സോഷ്യല്‍മീഡിയയില്‍ ഇപ്പോള്‍ വൈറലാകുന്നതും അത്തരത്തിലൊരു ജീവന്‍മരണ പോരാട്ടമാണ്. നാട്ടിലിറങ്ങിയ ഒരു വലിയ രാജവെമ്പാലയെ ഒരു കൂട്ടം നായകള്‍ നേരിടുന്നതാണ് വിഡിയോ.
ഇന്‍സ്റ്റഗ്രാമിലൂടെ പങ്കുവെച്ച വിഡിയോ ഇതിനോടകം ദശലക്ഷക്കണക്കിന് ആളുകളാണ് കണ്ടത്. നായകളില്‍ നിന്നും കുതറി രക്ഷപ്പെടാന്‍ ശ്രമിക്കുന്ന രാജവെമ്പാലയുടെ വിഡിയോ കണ്ട് സോഷ്യല്‍മീഡിയയും അമ്പരന്നിരിക്കുകയാണ്.
പിന്നില്‍ നിന്നും മുന്നില്‍ നിന്നും സൈഡില്‍ നിന്നുമൊക്കെ നായകള്‍ കൂട്ടത്തോടെ കീഴ്‌പ്പെടുത്താന്‍ ശ്രമിക്കുന്നുണ്ടെങ്കിലും ആക്രമണത്തില്‍ നിന്നെല്ലാം പാമ്പ് കുതറി മാറുന്നത് വിഡിയോയില്‍ കാണാം. നായകളുടെയും പാമ്പിന്റെയും സംഘം ചേര്‍ന്ന് ചേരി തിരിഞ്ഞാണ് സോഷ്യല്‍മീഡിയയിലും പോര്. നായകളുടെ പോരാട്ട വീര്യത്തെ അഭിനന്ദിച്ച് കൂട്ടമായി ചെയ്താല്‍ എന്തും ചെയ്യാമെന്നായിരുന്നു ഒരാളുടെ കമന്റ്. എന്നാല്‍ പാമ്പിനോട് തിരിച്ചു ആക്രമിക്കാന്‍ പറഞ്ഞവരും കമന്റു ചെയ്തവരുടെ കൂട്ടത്തിലുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
