മോസ്കോ: റഷ്യന് വനിതകളുമായി ലൈംഗീക ബന്ധം പാടില്ല. ലോക കപ്പ് ഫുട്ബോളിന് വേണ്ടി റഷ്യയിലേക്കെത്തുന്ന തങ്ങളുടെ താരങ്ങള്ക്ക് മുന്നറിയിപ്പ് നല്കുകയാണ് നൈജീരിയ.
റഷ്യയില് എത്തിയതിന് ശേഷം വശീകരണങ്ങളില് വഞ്ചിതരാവാതിരിക്കാന് ശ്രമിക്കണം, തട്ടിപ്പുകളില് പെടരുത് എന്നിങ്ങനെ നിര്ദേശങ്ങളുമായി ടീം കോച്ച് ഗെര്ണോട്ട് റോറ കര്ശന താക്കീതാണ് കളിക്കാര്ക്ക് നല്കിയിരിക്കുന്നത്.
കളിക്കാരുടെ ഭാര്യമാര്ക്കും കുടുംബാംഗങ്ങള്ക്കും കളിക്ക് ശേഷം അവരെ സന്ദര്ശിക്കാം. പക്ഷേ പുറത്തു നിന്ന ഒരാളുമായും കളിക്കാരെ ബന്ധപ്പെടാന് അനുവദിക്കില്ലെന്നും കോച്ച് വ്യക്തമാക്കുന്നു. പക്ഷേ നൈജീരിയന് കളിക്കാരുടെ കൂട്ടത്തില് നായകന് മൈക്കേലിന് ഇളവുണ്ട്. കാരണം നൈജീരിയന് നായകന്റെ ഭാര്യ റഷ്യക്കാരിയാണ്.
റഷ്യയിലേക്ക് പുറപ്പെടാനിരിക്കവെ അര്ജന്റീനിയന് ഫുട്ബോള് സംഘത്തിനും ടീം മാനേജ്മെന്റ് ഒരു കൈപ്പുസ്തകം നല്കിയിരുന്നു. റഷ്യയുടെ സംസ്കാരവും ഭാഷയുമെല്ലാം ഉള്ക്കൊള്ളിച്ച ഒന്നായിരുന്നു അത്.
എന്നാല് കൈപ്പുസ്തകത്തിലെ ഉള്ളടക്കള് സമൂഹമാധ്യമങ്ങളില് പ്രചരിച്ചതോടെ അതിനെതിരെ വ്യാപക വിമര്ശനം ഉയര്ന്നിരുന്നു. അതോടെ അര്ജന്റീനയ്ക്ക് കൈപ്പുസ്തകം പിന്വലിച്ച് മാപ്പ് പറയേണ്ടി വന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ