ഹൈദരാബാദ്: ടെന്നീസ് താരം സാനിയ മിര്സയ്ക്കും പാക് ക്രിക്കറ്റര് ഷോയബ് മാലികിനും ആണ്കുഞ്ഞ് പിറന്നു. രാവിലെ 7.30 ഓടെ ഷോയബ് തന്നെയാണ് സന്തോഷ വാര്ത്ത ട്വിറ്ററില് പങ്കുവച്ചത്.
'വളരെ സന്തോഷമുണ്ട്, ആണ്കുഞ്ഞാണ്, സാനിയ സുഖമായും പതിവ് പോലെ ശക്തയായും ഇരിക്കുന്നു, സര്വ്വശക്തന് നന്ദി.നിങ്ങളുടെ പ്രാര്ത്ഥനാശംസകള്ക്കും എന്നായിരുന്നു ഷോയബിന്റെ ട്വീറ്റ്.
ഷോയബും കുടുംബവും തികഞ്ഞ സന്തോഷത്തിലാണന്ന് ഷോയബിനെ മാനേജര് അമീം ഹഖും സാനിയയുടെ അടുത്ത സുഹൃത്തായ ഫറാ ഖാനും ട്വീറ്റ് ചെയ്തിട്ടുണ്ട്. ഞാനൊരു ആന്റിയായി എന്ന കുറിപ്പോടെയാണ് ഫറയുടെ ഇന്സ്റ്റഗ്രാം പോസ്റ്റ്.
അമ്മയാവുന്നതിനെ തുടര്ന്ന് കളിക്കളത്തില് നിന്ന് വിട്ടുനിന്ന സാനിയ 2020 ലെ ടോക്യോ ഒളിമ്പിക്സിലൂടെ തിരികെ കളിക്കളത്തിലെത്തുമെന്നാണ് കരുതുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ