ഫ്ളോറിഡ: വെസ്റ്റിന്ഡീസിനെതിരായ രണ്ടാം ടി20 പോരാട്ടത്തില് പൊരുതാവുന്ന സ്കോര് നേടി ഇന്ത്യ. ടോസ് നേടി ബാറ്റിങ് തിരഞ്ഞെടുത്ത ഇന്ത്യ 20 ഓവറില് അഞ്ച് വിക്കറ്റ് നഷ്ടത്തില് 167 റണ്സെടുത്തു.
അര്ധ സെഞ്ച്വറി നേടിയ ഓപണര് രോഹിത് ശര്മ്മയുടെ ബാറ്റിങാണ് ഇന്ത്യക്ക് തുണയായത്. 51 പന്തുകള് നേരിട്ട് ആറ് ഫോറുകളും മൂന്ന് സിക്സും പറത്തി രോഹിത് 67 റണ്സെടുത്തു. ക്യാപ്റ്റന് വിരാട് കോഹ്ലി (28), ശിഖര് ധവാന് (23) എന്നിവരും തുടക്കത്തില് തിളങ്ങി. എന്നാല് ഋഷഭ് പന്ത് (നാല്), മനീഷ് പാണ്ഡെ (ആറ്) എന്നിവര് നിരാശപ്പെടുത്തി.
രണ്ട് സിക്സ് സഹിതം 13 പന്തില് 20 റണ്സെടുത്ത് ക്രുണാല് പാണ്ഡ്യയും നാല് പന്തില് ഒന്പത് റണ്സെടുത്ത് ജഡേജയും പുറത്താക്കാതെ നിന്ന് സ്കോര് 167ല് എത്തിക്കുകയായിരുന്നു. വിന്ഡീസിനായി ഒഷെയ്ന് തോമസ്, ഷെല്ഡന് കോട്രല് എന്നിവര് രണ്ട് വീതം വിക്കറ്റുകള് വീഴ്ത്തി. കീമോ പോള് ഒരു വിക്കറ്റെടുത്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ