ഫ്ളോറിഡ: ഇന്ത്യക്കായി അന്താരാഷ്ട്ര പോരാട്ടത്തില് അരങ്ങേറ്റം നടത്തി അവിസ്മരണീയ പ്രകടനം പുറത്തെടുത്ത ഇന്ത്യന് പേസര് നവദീപ് സയ്നിക്കെതിരെ ഐസിസി നടപടി. ഐസിസിയുടെ പെരുമാറ്റച്ചട്ടം ലംഘിച്ചതിന് അരങ്ങേറ്റ മത്സരത്തില് തന്നെ താരത്തിന് മുന്നറിയിപ്പും ഡി മെറിറ്റ് പോയിന്റും ലഭിക്കും.
വെസ്റ്റിന്ഡീസിനെതിരായ ആദ്യ ടി20 പോരാട്ടത്തില് വിക്കറ്റ് സ്വന്തമാക്കിയ ശേഷം സയ്നി നടത്തിയ ആഘോഷ പ്രകടനമാണ് ഐസിസിയുടെ അച്ചടക്ക വാള് നീളാന് കാരണമായത്. വിന്ഡീസ് താരം നിക്കോളാസ് പുരന്റെ വിക്കറ്റ് വീഴ്ത്തിയതിന് ശേഷം നടത്തിയ ആഘോഷമാണ് അതിരുകടന്നതാണെന്ന് ഐസിസിയുടെ അച്ചടക്ക സമിതി കണ്ടെത്തിയത്. ഇതോടെയാണ് മുന്നറിയിപ്പും ഡിമെറിറ്റ് പോയിന്റും താരത്തിന് ലഭിച്ചത്. തന്റെ മേല് ആരോപിക്കപ്പെട്ട കുറ്റവും ഐസിസി നടപടിയും താരം അംഗീകരിച്ചതോടെ അച്ചടക്ക സമിതിക്ക് മുന്പാകെ സയ്നി ഹാജരാകേണ്ട ആവശ്യമില്ല.
മത്സരത്തില് സ്വപ്ന തുല്യമായ അരങ്ങേറ്റം നടത്തിയ നാല് ഓവറില് 17 റണ്സ് മാത്രം വഴങ്ങി മൂന്ന് വിക്കറ്റ് എടുത്തിരുന്നു. മത്സരത്തില് മാന് ഓഫ് ദി മാച്ച് പുരസ്കാരവും ഇതോടെ താരത്തെ തേടിയെത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ