ദുബൈ: ഇന്ത്യന് നായകന് വിരാട് കോഹ്ലി ടെസ്റ്റ് ബാറ്റ്സ്മാന്മാരിലെ ഒന്നാം റാങ്ക് നിലനിര്ത്തി. പരുക്കേറ്റ് വിശ്രമിക്കുന്ന ഇന്ത്യന് പേസര് ജസ്പ്രിത് ബുമ്റ ആറാം റാങ്കിലേക്ക് വീണു. 2019 അവസാനിക്കാനിരിക്കെ ഏകദിനത്തിലെ ഒന്നാം സ്ഥാനത്തിന് പിന്നാലെ ടെസ്റ്റിലും ഒന്നാം സ്ഥാനം നിലനിര്ത്താന് സാധിച്ചത് കോഹ്ലിക്ക് നേട്ടമാണ്.
കോഹ്ലിയുടെ ഒന്നാം റാങ്കിന് ഭീഷണിയാകുമെന്ന് പ്രതീക്ഷിക്കപ്പെട്ടിരുന്ന മുന് ഓസീസ് നായകന് സ്റ്റീവ് സ്മിത്ത് രണ്ടാം റാങ്കില് തന്നെ നില്ക്കുന്നു. ന്യൂസിലന്ഡിനെതിരായ ഒന്നാം ക്രിക്കറ്റ് ടെസ്റ്റിന്റെ രണ്ടിന്നിങ്സിലും സ്മിത്തിന് കാര്യമായി തിളങ്ങാന് സാധിച്ചില്ല. ഇതോടെയാണ് കോഹ്ലിയുടെ ഒന്നാം റാങ്ക് സുരക്ഷിതമായത്.
കോഹ്ലിക്ക് 928 പോയിന്റുകളാണുള്ളത്. രണ്ടാം സ്ഥാനത്തുള്ള സ്മിത്തിന് 911 പോയിന്റുകള്. 17 പോയിന്റിന്റെ വ്യത്യാസത്തിലാണ് ഇന്ത്യന് നായകന് ഒന്നാം റാങ്ക് നിലനിര്ത്തിയത്.
കോഹ്ലിക്ക് പുറമെ ചേതേശ്വര് പൂജാര, അജിന്ക്യ രാഹാനെ എന്നിവരാണ് റാങ്കിങിലെ ആദ്യ പത്തില് ഉള്ള മറ്റ് ഇന്ത്യന് ബാറ്റ്സ്മാന്മാര്. പൂജാര നാലാം സ്ഥാനത്തും രഹാനെ ആറാം സ്ഥാനത്തും നില്ക്കുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ