ന്യൂഡല്ഹി: ഏകദിന ലോകകപ്പിന് ശേഷം മുന് ഇന്ത്യന് നായകന് മഹേന്ദ്ര സിങ് ധോനി ഇന്ത്യക്കായി കളിക്കാനിറങ്ങിയിട്ടില്ല. മുന് നായകന് ടീമിലേക്ക് തിരിച്ചെത്തുമെന്നത് സംബന്ധിച്ച് ഇപ്പോള് വ്യക്തമായ വിവരങ്ങളുമില്ല. ധോനിയുടെ വിരമിക്കല് സംബന്ധിച്ചും അഭ്യൂഹങ്ങള് മാത്രമാണ് അന്തരീക്ഷത്തിലുള്ളത്.
അതിനിടെ ധോനിയുടെ ടീമിലേക്കുള്ള മടങ്ങി വരവ് സംബന്ധിച്ച് അഭിപ്രായവുമായി രംഗത്തെത്തിയിരിക്കുകയാണ് മുന് ഇന്ത്യന് താരം മദന് ലാല്. ടീമിലേക്ക് മടങ്ങി വരുന്ന കാര്യത്തില് തീരുമാനമെടുക്കേണ്ടത് ധോനി തന്നെയാണെന്ന് മദന്ലാല് പറയുന്നു.
വീണ്ടും ഇന്ത്യക്കായി കളിക്കാനിറങ്ങണം എന്ന കാര്യം തീരുമാനിക്കേണ്ടത് ധോനി തന്നെയാണ്. എന്നാല് നേരിട്ട് ടീമിലേക്ക് മടങ്ങിയെത്തുക എന്നത് വിഷമകരമായ കാര്യമാണ്. അതിനാല് ഡൊമസ്റ്റിക് ക്രിക്കറ്റോ അല്ലെങ്കില് മറ്റ് മത്സരങ്ങളോ കൡച്ച ശേഷമായിരിക്കണം ധോനി ടീമിലേക്ക് മടങ്ങിയെത്തേണ്ടതെന്ന് മദന്ലാല് വ്യക്തമാക്കി.
വെസ്റ്റിന്ഡീസിനെതിരായ ഒന്നാം ഏകദിന പോരാട്ടത്തില് പരാജയപ്പെടാന് കാരണം ഇന്ത്യയുടെ ബൗളിങ് പോരായ്മയാണെന്നും അദ്ദേഹം കൂട്ടിച്ചേര്ത്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ