ലണ്ടന്: ലോകകപ്പ് ക്രിക്കറ്റില് നിലവിലെ ചാമ്പ്യന്മാരായ ഓസ്ട്രേലിയ മുന് ചാമ്പ്യന്മാരായ ശ്രീലങ്കയെ നേരിടാനിറങ്ങുന്നു. ടോസ് നേടിയ ലങ്കന് നായകന് ദിമുത് കരുണരത്നെ ആദ്യം ബൗള് ചെയ്യാന് തീരുമാനിച്ചു.
നാല് കളികളില് നിന്ന് മൂന്ന് വിജയവുമായി ആറ് പോയിന്റോടെ ഓസ്ട്രേലിയ മൂന്നാം സ്ഥാനത്ത് നില്ക്കുന്നു. ഇന്ത്യയോടാണ് ഓസീസ് ഒരു മത്സരം പരാജയപ്പെട്ടത്. മറുഭാഗത്ത് ശ്രീലങ്കയ്ക്ക് നാലില് രണ്ട് മത്സരങ്ങളും മഴ മുടക്കിയതിനെ തുടര്ന്ന് ഒരു വിജയം മാത്രമാണ് അവര്ക്ക് സ്വന്തമാക്കാനായത്.
ശ്രീലങ്കന് നിരയില് സുരംഗ ലക്മല് ഇന്ന് കളിക്കില്ല. സിരിവര്ധനെ ടീമില് സ്ഥാനം പിടിച്ചിട്ടുണ്ട്. ഓസീസ് നിരയില് നതാന് കോള്ടര് നെയ്ല് കളിക്കില്ല. പകരം ജാസന് ബെഹ്രന്ഡോഫ് കളിക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ