ടൗണ്ടണ്: ഇന്നലെ നടന്ന വെസ്റ്റിൻഡീസ്- ബംഗ്ലാദേശ് മത്സരത്തിനിടെ വിൻഡീസ് താരം ഒഷെയ്ൻ തോമസിന് ലഭിച്ച ഭാഗ്യമാണ് ഇപ്പോൾ ആരാധകരുടെ ഇടയിൽ ചർച്ചയാകുന്നത്. ആരിലും അമ്പരപ്പുണ്ടാക്കുന്ന ഒരു രക്ഷപ്പെടലാണ് ഒഷെയ്ൻ തോമസിന് ലഭിച്ചത്. ഹിറ്റ് വിക്കറ്റായിട്ടും തോമസ് പുറത്തായില്ല.
മുസ്താഫിസുര് റഹ്മാന് എറിഞ്ഞ 49ാം ഓവറിലാണ് നാടകീയ സംഭവങ്ങൾ. മുസ്താഫിസുറിന്റെ പന്തില് ഷോട്ടിന് ശ്രമിച്ച തോമസിനെ മറികടന്ന് പന്ത് വിക്കറ്റ്കീപ്പറുടെ കൈകളിലെത്തി. എന്നാല് ഷോട്ടിന് ശേഷം ബാറ്റ് കൈകാര്യം ചെയ്യുന്നതില് തോമസ് കാണിച്ച അശ്രദ്ധ കാരണം ബാറ്റ് തട്ടി ബെയ്ല്സ് നിലത്തു വീണു.
ഇതോടെ ബംഗ്ലാദേശ് താരങ്ങള് വിക്കറ്റിനായി അപ്പീല് ചെയ്തു. എന്നാല് മൂന്നാം അമ്പയറുടെ തീരുമാനം വന്നപ്പോള് എല്ലാവരും ഞെട്ടി. നോട്ടൗട്ട് എന്നായിരുന്നു സ്ക്രീനില് തെളിഞ്ഞത്. ഷോട്ട് പൂര്ത്തിയാക്കിയ ശേഷമാണ് തോമസിന്റെ ബാറ്റ് വിക്കറ്റില് തട്ടിയത്. ഇതോടെ താരം ഔട്ടില് നിന്ന് രക്ഷപ്പെടുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ