മുർഗാവ്: ഐഎസ്എൽ പോരാട്ടത്തിൽ ഈസ്റ്റ് ബംഗാളിനെ തോൽപ്പിച്ച് നോർത്ത് ഈസ്റ്റ് യുണൈറ്റഡ് രണ്ടാം ജയം സ്വന്തമാക്കി. മത്സരത്തിന്റെ തുടക്കത്തിൽ തന്നെ മികച്ച മുന്നേറ്റങ്ങളുമായി കളംനിറഞ്ഞ നോർത്ത് ഈസ്റ്റ് എതിരില്ലാത്ത രണ്ടു ഗോളുകൾക്കാണ് ഈസ്റ്റ് ബംഗാളിനെ പരാജയപ്പെടുത്തിയത്. ഈസ്റ്റ് ബംഗാളിന് തുടർച്ചയായി മൂന്നാം തോൽവിയാണ് ഇത്.
കളിയുടെ 33-ാം മിനിറ്റിൽ സുർചന്ദ്ര സിങ്ങിന്റെ സെൽഫ് ഗോളിലാണ് നോർത്ത് ഈസ്റ്റ് മുന്നിലെത്തിയത്. ക്വെസി അപിയയുടെ മുന്നേറ്റം ഗോളിൽ കലാശിക്കുകയായിരുന്നു. 91-ാം മിനിറ്റില‌െ റോച്ചർസലയുടെ ഗോളിലാണ് നോർത്ത് ഈസ്റ്റ് രണ്ടു ഗോളിന് മുന്നിലെത്തിയത്. മലയാളി താരം സുഹൈറിന്റെ ക്രോസിൽ നിന്നായിരുന്നു റോച്ചർസെലയുടെ ഗോൾ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
