കോവിഡ് 19നെ തുടര്ന്ന് ദുരിതം അനുഭവിക്കുന്നവര്ക്കായുള്ള ധനസഹായം ഒരു ലക്ഷത്തില് ഒതുക്കിയ ഇന്ത്യന് ക്രിക്കറ്റ് താരം എം എസ് ധോനിക്കെതിരെ ആരാധകര്. 800 കോടിയുടെ ആസ്തിയുള്ള വ്യക്തി ധനസഹായമായി നല്കിയത് 1 ലക്ഷം രൂപ മാത്രമെന്ന കുറ്റപ്പെടുത്തലാണ് ധോനിക്കെതിരെ സമൂഹമാധ്യമങ്ങളില് നിന്നുയരുന്നത്.
പുനെയിലെ ദിവസ വേതനക്കാരുടെ കുടുംബങ്ങള്ക്ക് ഭക്ഷണ സാധനങ്ങള് എത്തിക്കുന്നതിന് മുകുള് മാധവ് ഫൗണ്ടേഷന് ഒരു ലക്ഷം രൂപയാണ് ധോനി നല്കിയത്. 12.5 ലക്ഷം രൂപ കേട്ടോ എന്ന വെബ്സൈറ്റ് വഴി സമാഹരിക്കാനാണ് മുകുള് മാധവ് ഫൗണ്ടേഷന് ശ്രമിച്ചത്. ഇതില് ഏറ്റവും കൂടുതല് തുക സംഭാവനയായി നല്കിയത് ധോനിയാണ്.
ക്രിക്കറ്റ് ഇതിഹാസം സച്ചിന് ടെണ്ടുല്ക്കര് 25 ലക്ഷം രൂപ വീതം മഹാരാഷ്ട്ര മുഖ്യമന്ത്രിയുടേയും പ്രധാനമന്ത്രിയുടേയും ദുരിതാശ്വാസ നിധിയിലേക്ക് നല്കി. 50 ലക്ഷം രൂപയുടെ അരിയാണ് ഗാംഗുലി ബംഗാളില് വിതരണം ചെയ്യുന്നത്. സിനിമാ മേഖലയില്് നിന്നുള്പ്പെടെയുള്ളവരെല്ലാം വലിയ തുക ധനസഹായമായി നല്കുമ്പോള് ധോനിയില് നിന്ന് ഇത്രയും കുറഞ്ഞ തുക വന്നത് ആരാധകരെ പ്രകോപിപ്പിക്കുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ