സൂറിച്ച്: ഈ വര്‍ഷത്തെ ഫിഫ ദി ബെസ്റ്റ് പുരസ്‌കാരങ്ങള്‍ ഒഴിവാക്കി. കോവിഡ് 19 ഭീതിയില്‍ ലോകം നില്‍ക്കുമ്പോള്‍ പുരസ്‌കാരം നല്‍കേണ്ടതില്ലെന്ന നിലപാട് ഫിഫ സ്വീകരിക്കുകയായിരുന്നു.
ഈ വര്‍ഷം സെപ്തംബറിലായിരുന്നു ഫിഫ പുരസ്‌കാര പ്രഖ്യാപനം നടക്കേണ്ടിയിരുന്നത്. മെസിയായിരുന്നു കഴിഞ്ഞ വര്‍ഷം ഈ പുരസ്‌കാരത്തിന് അര്‍ഹനായത്. ലിവര്‍പൂളിന്റെ വിര്‍ജില്‍ വാന്‍ഡൈക്കും, ക്രിസ്റ്റ്യാനോയും ഉയര്‍ത്തിയ വെല്ലുവിളി മറികടന്നായിരുന്നു മെസി നേട്ടത്തിലേക്കെത്തിയത്.
11 പുരസ്‌കാരങ്ങളാണ് ഇവിടെ ഫിഫ നല്‍കുക. ലോകത്തിന്റെ പല ഭാഗങ്ങളില്‍ പല ലീഗുകളും നിര്‍ത്തി വെച്ചിരിക്കുന്ന സാഹചര്യത്തിലാണ് ഇത്തരമൊരു തീരുമാനത്തിലേക്ക് എത്തിയതെന്ന് ഫിഫ വ്യക്തമാക്കി. വര്‍ണാഭമായ പുരസ്‌കാര ചടങ്ങ് ഈ സമയത്ത് സംഘടിപ്പിക്കുന്നത് ധാര്‍മികതയെ ചോദ്യം ചെയ്യുന്നതാണെന്നും ഫിഫ വിലയിരുത്തി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
