ന്യൂഡൽഹി: ഓപ്പണിങ്ങിൽ മാതൃകയാക്കുന്നത് ഗൗതം ഗംഭീറിനെയെന്ന് ഇന്ത്യൻ താരം ദേവ്ദത്ത് പടിക്കൽ. ടീം ആവശ്യപ്പെടുന്ന ഘട്ടങ്ങളിലെല്ലാം അവസരത്തിനൊത്ത് ഉയരാൻ ഗംഭീറിന് കഴിഞ്ഞിട്ടുണ്ടെന്ന് ദേവ്ദത്ത് പറഞ്ഞു.
ഗംഭീറിന്റെ ബാറ്റിങ് ഞാൻ ഒരുപാട് ആസ്വദിച്ചിട്ടുണ്ട്. ഞാൻ പിന്തുടരുന്ന കളിക്കാരിൽ ഒരാളാണ് ഗംഭീർ. ടീം സമ്മർദത്തിലേക്ക് വീഴുന്ന ഘട്ടങ്ങളിൽ നമുക്ക് ഗംഭിറിനെ ആശ്രയിക്കാനാവുമെന്നും ദേവ്ദത്ത് പറയുന്നു.
ഐപിഎല്ലിൽ ഞാൻ എന്നെ തന്നെ സർപ്രൈസ് ചെയ്തെന്ന് പറയാനാവില്ല. റൺസ് കണ്ടെത്താൻ എനിക്ക് കഴിയുമെന്ന് അറിയാമായിരുന്നു, അതിലൂടെ ഇംപാക്ട് സൃഷ്ടിക്കാൻ സാധിക്കുമെന്നും, ബാംഗ്ലൂർ ഓപ്പണർ പറഞ്ഞു.
സീസണിൽ ആർസിബിയുടെ ടോപ് സ്കോററായിരുന്നു ദേവ്ദത്ത്. 473 റൺസാണ് ദേവ്ദത്ത് സ്കോർ ചെയ്തത്. ഐപിഎല്ലിലെ എമർജിങ് പ്ലേയർ അവാർഡും സ്വന്തമാക്കിയാണ് ദേവ്ദത്ത് സീസൺ അവസാനിപ്പിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
