മുംബൈ: ലോക്ക്ഡൗണ് നാളുകളില് ആരാധകരെ കൗതുകത്തിലാക്കിയവയുടെ കൂട്ടത്തില് ഇന്ത്യന് മുന് നായകന് കപില് ദേവിന്റെ പുതിയ ലുക്കുമുണ്ട്. മൊട്ടത്തലയുമായിട്ടാണ് കപില് ദേവ് എത്തിയത്. പുതിയ ലുക്കിലേക്കെത്താന് തന്നെ പ്രേരിപ്പിച്ചത് തന്റെ രണ്ട് ഹീറോകളാണെന്നാണ് കപില് ദേവ് പറയുന്നത്.
ധോനിയുടേയും വിവ് റിച്ചാര്ഡ്സിന്റേയും പേരാണ് കപില്ദേവ് ഇവിടെ പറയുന്നത്. വിവ് റിച്ചാര്ഡ്സന്റെ ലുക്ക് ഇന്സ്റ്റയില് ഞാന് കണ്ടു. അദ്ദേഹം എന്റെ ഹീറോയാണ്. അപ്പോള് എനിക്ക് തോന്നി എന്തുകൊണ്ട് ആയിക്കൂടാ? എനിക്ക് ധോനിയേയും ഇഷ്ടമാണ്. ധോനിയും എന്റെ ഹീറോയാണ്. 2011 ലോകകപ്പ് ജയിച്ചതിന് ശേഷം ധോനി തല മൊട്ടയടിച്ചിരുന്നു. ഞാനും അതുപോലെ ഒരു ദിവസം ചെയ്യുമെന്ന് അന്ന് ഞാന് ഉറപ്പിച്ചിരുന്നു. ഇപ്പോള് എനിക്ക് അങ്ങനെ ചെയ്യാന് അവസരം ലഭിച്ചു. ഞാന് ചെയ്തു, കപില്ദേവ് പറയുന്നു.
മകളാണ് തന്റെ പുതിയ ലുക്കിന് സഹായിച്ചതെന്നും കപില് ദേവ് പറഞ്ഞു. തല മൊട്ടയടിച്ച് താടി കളയാതെ വന്ന കപില് ദേവ് ആരാധകരുടെ കയ്യടി നേടിയിരുന്നു. വിവ് റിച്ചാര്ഡ്സ് ആയി അഭിനയിക്കാന് പോവുകയാണോ എന്നെല്ലാമാണ് ആരാധകര് കപില് ദേവിനോട് ചോദിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ