മുംബൈ: ബിസിസിഐ യോഗം വെള്ളിയാഴ്ച ചേര്ന്നതിന് പിന്നാലെ ഐപിഎല്ലിനെ ചൊല്ലിയുള്ള അഭ്യൂഹങ്ങള് വീണ്ടും ശക്തമായി. സെപ്തംബര് അവസാന ആഴ്ചയോടെ യുഎഇയില് ഐപിഎല് ആരംഭിക്കാനാണ് സാധ്യത എന്നാണ് റിപ്പോര്ട്ട്.
മുഴുവന് ഐപിഎല് മത്സരങ്ങളും മഹാരാഷ്ട്രയില് തന്നെ നടത്താനുള്ള സാധ്യത പരിഗണിക്കും എന്നും സൂചനയുണ്ട്. എന്നാല് മുംബൈയില് കോവിഡ് ശക്തമായ നിലനില്ക്കുന്ന സാഹചര്യത്തില് ഇത് എത്രമാത്രം സാധ്യമാവും എന്ന് വ്യക്തമല്ല.
സെപ്തംബര് 26ന് യുഎഇയില് ഐപിഎല് ആരംഭിക്കും എന്ന അഭ്യൂഹമാണ് ശക്തമാവുന്നത്. അടുത്ത ആഴ്ചയോടെ ഷെഡ്യൂളും, വേദിയും ബിസിസിഐ പുറത്തുവിട്ടേക്കും. ഓഗസ്റ്റ് മൂന്നാം ആഴ്ചയോടെ ഇന്ത്യന് ടീം ദുബായിലേക്ക് പുറപ്പെടുകയും ക്യാംപ് ആരംഭിക്കുകയും ചെയ്യും. പിന്നാലെ ഓരോ ടീം അംഗവും അവരവരുടെ ഫ്രാഞ്ചൈസികളുടെ ഭാഗമാവും.
സെപ്തംബര് 26ന് ആരംഭിച്ച് നവംബര് ആറിന് ഫൈനല് വരുന്ന നിലയിലാണ് ക്രമീകരണം എന്നാണ് സൂചനകള്. ഇക്കാര്യത്തില് ഇതുവരെ സ്ഥിരീകരണം വന്നിട്ടില്ലെങ്കിലും യുഎഇ തന്നെ വേദിയാവാനാണ് സാധ്യത.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ