ന്യൂഡല്ഹി: അതിര്ത്തിയില് ചൈന നടത്തിയ ആക്രമണം ആസൂത്രിതമാണെന്ന് ഇന്ത്യന് മുന് ഫുട്ബോള് താരം ബൈചുങ് ബൂട്ടിയ. ആക്രമണം നടത്തുന്നതിന് ആഴ്ചകള്ക്ക് മുന്പ് ഇന്ത്യ വിടാന് തങ്ങളുടെ പൗരന്മാര്ക്ക് ചൈന നിര്ദേശം നല്കിയത് ഇതിന്റെ തെളിവാണെന്ന് ബൂട്ടിയ ആരോപിക്കുന്നു.
അതിര്ത്തിയില് ചൈനയുടെ ഭാഗത്ത് നിന്നുണ്ടായ ആക്രമണം ആസൂത്രിതമാണ് എന്നാണ് എന്റെ ബലമായ സംശയം. ചൈനയുടെ പ്രകോപനത്തിന് മുന്പില് മുട്ടുമടക്കാതെ ഇന്ത്യന് സര്ക്കാര് ശക്തമായ തിരിച്ചടി നല്കണം എന്നും ബൂട്ടിയ ട്വിറ്ററില് കുറിച്ചു.
ചൈനയുടെ ഉത്പന്നങ്ങള് ബഹിഷ്കരിക്കണം എന്ന ആഹ്വാനവുമായി ഇന്ത്യന് ക്രിക്കറ്റ് താരം ഹര്ഭജന് സിങ്ങും നേരത്തെ രംഗത്തെത്തിയിരുന്നു. ഗാല്വനില് വീരമൃത്യുവരിച്ച ഇന്ത്യന് ജവാന്മാര്ക്ക് ആദരവ് അര്പ്പിച്ച് കോഹ്ലി, രോഹിത്, ഇഷാന്ത് ശര്മ, ഇര്ഫാന് പഠാന്, സൈന നെഹ് വാള്, യോഗേശ്വര് ദത്ത് എന്നീ പ്രമുഖ കായിക താരങ്ങള് എത്തിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ