ജമൈക്ക: കരീബിയന്‍ പ്രീമിയര്‍ ലീഗില്‍ റസലിന്റെ വെടിക്കെട്ട്. 14 പന്തില്‍ അര്‍ധ ശതകം കണ്ടെത്തിയാണ് വാര്‍നര്‍ പാര്‍ക്കില്‍ തല്ലാവാഹ്‌സിന്റെ ഇന്നിങ്‌സിന്റെ അവസാന ഓവറുകളില്‍ റസല്‍ നിറഞ്ഞത്. 18ാമത്തെ ഓവറില്‍ റസല്‍ ക്രീസിലേക്ക് എത്തുമ്പോള്‍ 199-3 എന്ന നിലയിലായിരുന്നു സ്‌കോര്‍.
റസല്‍ ക്രീസിലേക്ക് എത്തിയതിന് പിന്നാലെ തുടരെ രണ്ട് പന്തില്‍ രണ്ട് വിക്കറ്റ് വീണു. എന്നാല്‍ ആദ്യ പന്ത് മുതല്‍ റസല്‍ നയം വ്യക്തമാക്കി. ആറ് സിക്‌സും മൂന്ന് ഫോറുമാണ് ഇവിടെ റസലില്‍ നിന്ന് വന്നത്. ഇതോടെ 20 ഓവറില്‍ ടീം സ്‌കോര്‍ 255ലേക്ക് എത്തി.
256 റണ്‍സ് പിന്തുടര്‍ന്ന് സെന്റ് ലൂസിയ കിങ്‌സ് വിജയ ലക്ഷ്യത്തിന്റെ അടുത്തെങ്ങും എത്തിയില്ല. 17.1 ഓവറില്‍ 135 റണ്‍സിന് ടീം അവര്‍ ഓള്‍ ഔട്ടായി. 120 റണ്‍സ് ജയമാണ് അവിടെ തല്ലവാഹ്‌സ് സ്വന്തമാക്കിയത്. സിപിഎല്ലിന്റെ ചരിത്രത്തിലെ ഏറ്റവും വലിയ ജയമാണ് ഇത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
