ലിസ്ബണ്‍: ലോകകപ്പ് യോഗ്യതാ മത്സരത്തില്‍ ക്രിസ്റ്റിയാനോയുടെ ഇരട്ട ഗോള്‍ ബലത്തില്‍ തകര്‍പ്പന്‍ ജയത്തിലേക്ക് എത്തുകയായിരുന്നു പോര്‍ച്ചുഗല്‍. രാജ്യാന്തര ഗോള്‍ നേട്ടത്തില്‍ ഒന്നാമത് എത്തി ചരിത്രം സൃഷ്ടിച്ചതിന് പിന്നാലെ ക്രിസ്റ്റ്യാനോയാണ് സമൂഹമാധ്യമങ്ങളില്‍ നിറഞ്ഞത്. ഈ സമയം പോര്‍ച്ചുഗല്‍ താരം പെപ്പെയുടെ വിജയാഘോഷമാണ് ആരാധകര്‍ക്കിടയില്‍ കൗതുകമാവുന്നത്.
പോര്‍ച്ചുഗല്ലിന്റെ ജയത്തിന് പിന്നാലെ ത്രോ ലൈനിലേക്ക് ഓടിയെത്തിയ പെപ്പെ സെക്യൂരിറ്റി ഉദ്യോഗസ്ഥന്റെ തോളില്‍ കയ്യിട്ടാണ് വിജയം ആഘോഷിക്കുന്നത്. ഈ വീഡിയോ സമൂഹമാധ്യമങ്ങളില്‍ വൈറലാവുന്നു.
111 ഗോളുകളാണ് ഇപ്പോള്‍ ക്രിസ്റ്റിയാനോയുടെ അക്കൗണ്ടിലുള്ളത്. 45ാം മിനിറ്റില്‍ ജോണ്‍ ഇഗന്റെ ഗോളിലൂടെയാണ് അയര്‍ലാന്‍ഡ് ലീഡ് എടുത്തത്. എന്നാല്‍ 89ാം മിനിറ്റിലും ഇഞ്ചുറി ടൈമിലും ഹെഡ്ഡറിലൂടെ ഗോള്‍ വല കുലുക്കി പോര്‍ച്ചുഗല്ലിനെ ക്രിസ്റ്റിയാനോ ജയത്തിലേക്ക് എത്തിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
