മുബൈ: ചെന്നൈയെ വിറപ്പിച്ച് ഒടുവിൽ കീഴടങ്ങിയ കളിയിൽ ഒഴികെ ഫോമിൽ ബാറ്റ് വീശാൻ കൊൽക്കത്ത ഓൾ റൗണ്ടർക്കായിട്ടില്ല. മോശം ഫോം തുടരുന്നതിന് ഇടയിൽ റസൽ പങ്കുവെച്ച ഫോട്ടോയാണ് ഇപ്പോൾ ആരാധകർക്കിടയിൽ ചർച്ചയാവുന്നത്...
ഓൾഡ് മങ്ക് മദ്യകുപ്പിയും പിടിച്ചുള്ള ഫോട്ടോയായ് റസൽ സമൂഹമാധ്യമങ്ങളിൽ പോസ്റ്റ് ചെയ്തത്. എല്ലായ്പ്പോഴും സഹായിക്കുന്നു എന്നും റസൽ ഫോട്ടോയ്ക്കൊപ്പം കുറിക്കുന്നു.
ഒറ്റയ്ക്ക് നിന്ന് ടീമിനെ ജയിപ്പിച്ചിട്ടുള്ള താരമാണ് റസൽ. എന്നാൽ കഴിഞ്ഞ സീസണിൽ റസലിന്റെ ഫോം മങ്ങിയത് കൊൽക്കത്തയെ കാര്യമായി ബാധിച്ചു. ഈ സീസണിലും റസലിന് താളം കണ്ടെത്താനാവാധെ വന്നാൽ കൊൽക്കത്തയുടെ ക്യാംപെയ്നെ അത് ബാധിക്കും..
പതിനാലാം സീസണിൽ ഇപ്പോൾ 19 ആണ് റസലിന്റെ ബാറ്റിങ് ശരാശരി. 10ന് മുകളിൽ സ്കോർ കണ്ടെത്തിയത് രണ്ട് തവണ മാത്രം. ചെന്നൈക്കെതിരെ 22 പന്തിൽ 55 റൺസ് അടിച്ചെടുത്തത് പോലെ ഇന്നിങ്സിനായി കാത്തിരിക്കുകയാണ് ടീമും ആരാധകരും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ