നോര്ഫോല്ക്ക്: എതിരില്ലാത്ത മൂന്ന് ഗോളിന് നോര്വിച്ച് സിറ്റിയെ തകര്ത്താണ് ലിവര്പൂള് ഇംഗ്ലീഷ് പ്രീമിയര് ലീഗ് സീസണിന്റെ തുടക്കം ആഘോഷിച്ചത്. 74ാം മിനിറ്റില് റെഡ്സിനായി ഗോള് വല കുലുക്കിയതോടെ റെക്കോര്ഡുകളില് ഒന്നും സല ഇവിടെ സ്വന്തമാക്കി.
26ാം മിനിറ്റില് ഡിയോഗോ ജോടയില് നിന്നും 65ാം മിനിറ്റില് ഫിര്മിനോയില് നിന്നും വന്ന ഗോള് സലയുടെ അസിസ്റ്റില് നിന്നാണ്. തുടരെ അഞ്ച് പ്രീമിയര് ലീഗ് സീസണില് ആദ്യ മത്സരത്തില് സ്കോര് ചെയ്തെന്ന റെക്കോര്ഡ് ഇതോടെ സലയുടെ പേരിലേക്ക് എത്തി.
ഇതിന് പുറമെ പ്രീമിയര് ലീഗ് സീസണിലെ ആദ്യ ആഴ്ചയില് 10 ഗോള് ഇന്വോള്മെന്റുകള് എന്ന നേട്ടത്തിലേക്കും സല എത്തി. ഏഴ് ഗോളും മൂന്ന് അസിസ്റ്റുമാണ് ഈ നേട്ടത്തില് സലയുടെ പേരിലുള്ളത്. എട്ട് ഗോളും അഞ്ച് അസിസ്റ്റുമായി വെയ്ന് റൂണിയാണ് ഇവിടെ സലയ്ക്ക് മുന്പിലുള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ