ക്ലബിനും രാജ്യത്തിനുമായി ഏറ്റവും കൂടുതല് ഗോളുകള് എന്ന റെക്കോര്ഡ് ക്രിസ്റ്റിയാനോ സ്വന്തമാക്കിയതിന് പിന്നാലെ താന് ഇന്സ്റ്റഗ്രാം ബയോ തിരുത്തിയെന്ന വിധമുള്ള വാര്ത്തകള് തള്ളി പെലെ. ട്വിറ്ററിലൂടെയാണ് പെലെയുടെ പ്രതികരണം.
എന്റെ റെക്കോര്ഡുകള് മറികടന്ന ഈ വമ്പന് താരങ്ങളുടെ പ്രഭാവം കുറയ്ക്കുന്നതിന് വേണ്ടി ഇന്സ്റ്റഗ്രാം ബയോ മാറ്റിയെന്നാണ് എനിക്ക് എതിരെ മധ്യമങ്ങള് ഉന്നയിച്ച ആരോപണം. ഞാന് ഇന്സ്റ്റഗ്രാം അക്കൗണ്ട് തുടങ്ങിയപ്പോള് മുതലുള്ള ബയോ ആണ് അത്. അവരുടെ വലിയ നേട്ടങ്ങളില് നിന്നും ഇതൊന്നും ശ്രദ്ധ തിരിക്കാന് പാടില്ല, ട്വിറ്ററില് പെലെ കുറിച്ചു.
ഒരു ക്ലബിന് വേണ്ടി ഏറ്റവും കൂടുതല് ഗോളുകള് എന്ന പെലെയുടെ റെക്കോര്ഡ് മറികടന്നതിന് പിന്നാലെ സാന്റോസിന് വേണ്ടി പെലെ 643ല് കൂടുതല് ഗോളുകള് നേടിയെന്ന വാദങ്ങള് ഉയര്ന്നിരുന്നു. ക്ലബിനും ദേശിയ ടീമിനും വേണ്ടി 757 ഗോളുകള് നേടി ക്രിസ്റ്റിയാനോ പെലെയുള്ള റെക്കോര്ഡ് മറികടന്നപ്പോള് പെലെ ഇന്സ്റ്റഗ്രാം ബയോ മാറ്റിയെന്നാണ് വാര്ത്തകള് വന്നത്.
ഇന്സ്റ്റഗ്രാം ബയോയില് എക്കാലത്തേയും മികച്ച ഗോള് വേട്ടക്കാരന് എന്ന് പറഞ്ഞ് 1283 ഗോളുകളാണ് കൊടുത്തിരിക്കുന്നത്. എന്നാല് മാധ്യമ റിപ്പോര്ട്ടുകളും മറ്റ് അവകാശവാദങ്ങളുമെല്ലാം തള്ളിയാണ് ഇപ്പോള് പെലെയുടെ വാക്കുകള് വരുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ