സഞ്ജുവിനോട് ദുബായിൽ തുടരാൻ ബിസിസിഐ, ട്വന്റി20 ലോകകപ്പ് സംഘത്തിൽ ഉൾപ്പെടുത്തിയേക്കുമെന്ന് സൂചന

ദു​ബാ​യ്: രാ​ജ​സ്ഥാ​ൻറെ റോ​യ​ൽ​സ് ക്യാ​പ്റ്റൻ സ​ഞ്ജു സാം​സ​ണി​നോ​ട് യു​എ​ഇ​യി​ൽ തു​ട​രാ​ൻ നിർദേശിച്ച് ബി​സി​സി​ഐ. ഇന്ത്യയുടെ ട്വന്റി20 ലോകകപ്പ് ടീമിൽ ഉൾപ്പെടുത്തുന്നതിന് വേണ്ടിയാവാം ഇതെന്നാണ് വിലയിരുത്തപ്പെടുന്നത്.

ഇ​നി​യൊ​രു അ​റി​യി​പ്പ് ല​ഭി​ക്കു​ന്ന​തു​വ​രെ യു​എ​ഇ​യി​ൽ തു​ട​രാ​നാ​ണ് സഞ്ജുവിന്  ല​ഭി​ച്ചി​രി​ക്കു​ന്ന നി​ർ​ദേ​ശ​മെ​ന്നാ​ണ് റി​പ്പോ​ർ​ട്ട്. ഐ​പി​എ​ൽ ര​ണ്ടാം പാ​ദ​ത്തി​ൽ മികച്ച ബാറ്റിങ് പുറത്തെടുക്കാൻ സഞ്ജുവിന് കഴിഞ്ഞിരുന്നു. രാ​ജ​സ്ഥാ​ൻറെ പ്ലേ ​ഓ​ഫ് കാ​ണാ​തെ പു​റ​ത്താ​യെ​ങ്കി​ലും സ​ഞ്ജു​വി​ൻറെ ബാറ്റിങ് ശ്ര​ദ്ധ​ നേ​ടി​യി​രു​ന്നു. 

യുഎഇയിൽ ഏ​ഴ് മ​ത്സ​ര​ങ്ങ​ളി​ൽ നി​ന്നാ​യി 207 റ​ൺ​സാ​ണ് സ​ഞ്ജു നേ​ടി​യ​ത്.  നി​ല​വി​ൽ ഇ​ന്ത്യ​യു​ടെ ലോ​ക​ക​പ്പ് ടീ​മി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന രാ​ഹു​ൽ ച​ഹാ​ർ, ഹാ​ർ​ദി​ക് പാ​ണ്ഡ്യ എന്നിവർക്ക് യുഎഇയിൽ മി​ക​ച്ച പ്ര​ക​ട​നം പു​റ​ത്തെ​ടു​ക്കാ​ൻ സാ​ധി​ച്ചി​​ല്ല. ടീ​മി​ലു​ള്ള താ​ര​ങ്ങ​ളു​ടെ ഫോ​മി​ല്ലാ​യ്മ ക​ണ​ക്കി​ലെ​ടു​ത്ത് സ​ഞ്ജു​വി​നെ ടീ​മി​ലേ​ക്ക് ബി​സി​സി​ഐ പ​രി​ഗ​ണി​ച്ചേ​ക്കു​മെ​ന്നാ​ണ് ക​രു​തു​ന്ന​ത്.