അഹമ്മദാബാദ്: ഐപിഎല് 2022 സീസണില് ബൗള് ചെയ്യുമോ എന്ന ചോദ്യത്തോട് പ്രതികരിച്ച് അഹമ്മദാബാദ് ക്യാപ്റ്റന് ഹര്ദിക് പാണ്ഡ്യ. ഇത് എല്ലാവര്ക്കുമുള്ള സര്പ്രൈസ് എന്നാണ് ഹര്ദിക്കിന്റെ വാക്കുകള്.
എന്റെ ടീമിന് അറിയാം ഇപ്പോഴത്തെ എന്റെ അവസ്ഥ എന്താണെന്ന്. ഇത് വളരെ അധികം വെല്ലുവിളി നിറഞ്ഞതാണ്. ബാറ്റിങ്ങിലും ബൗളിങ്ങിലും ഫീല്ഡിങ്ങിലും ടീമിന് സംഭാവന നല്കുന്ന കളിക്കാരനാണ് ഞാന്. നമ്മളെല്ലാവരും വെല്ലുവിളികള് ആഗ്രഹിക്കുന്നു. ആ വെല്ലുവിളികളോട് യുദ്ധം ചെയ്യാനാണ് എനിക്ക് ഇഷ്ടം. വിമര്ശനങ്ങള് നല്ലതാണ്. അത് എന്നെ കാര്യമായി ബാധിക്കുന്നില്ല. എന്നെ സംബന്ധിച്ച് ഫലമാണ് കാര്യം, ഹര്ദിക് പറയുന്നു.
ഓള്റൗണ്ടറാവാനാണ് എപ്പോഴും ശ്രമിക്കുന്നത്
ഓള്റൗണ്ടര് എന്ന നിലയില് ടീമിനായി പല ഓപ്ഷനുകള് നല്കാന് എനിക്ക് കഴിയുന്നു. ഓള്റൗണ്ടറാവാനാണ് ഞാന് എപ്പോഴും ശ്രമിക്കുന്നത്. അതിന് കഴിഞ്ഞില്ലെങ്കില് ബാറ്റ്സ്മാന് എന്ന നിലയില് ഞാന് അവിടെ ഉണ്ടാവും. എന്നാല് ബാറ്റിങ്ങും ബൗളിങ്ങും ചെയ്യുന്ന ഹര്ദിക് പാണ്ഡ്യ എന്നതാണ് കേള്ക്കാന് സുഖം, ഹര്ദിക് പാണ്ഡ്യ പറയുന്നു.
ഹര്ദിക് പാണ്ഡ്യയുടെ അഭാവത്തില് വെങ്കടേഷ് അയ്യരെയാണ് ഇന്ത്യ പരീക്ഷിച്ചത്. എന്നാല് ന്യൂസിലാന്ഡിന് എതിരായ ടി20ക്കും സൗത്ത് ആഫ്രിക്കയ്ക്ക് എതിരായ ഏകദിനത്തിനും പിന്നാലെ വെങ്കടേഷ് അയ്യരെ ടീമില് നിന്ന് ഒഴിവാക്കി. വിന്ഡിസിന് എതിരായ വൈറ്റ് ബോള് പരമ്പരയില് ഇടം നേടാന് വെങ്കടേഷിന് കഴിഞ്ഞില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ