ഇംഗ്ലണ്ടിനെതിരായ ആദ്യ ഏകദിനം കോഹ് ലിക്ക് നഷ്ടമാവും എന്ന റിപ്പോര്ട്ടുകള് വന്നതിന് പിന്നാലെ താരത്തിനെതിരെ ആരാധകര്. മൂന്നാം ട്വന്റി20യിലാണ് കോഹ് ലിക്ക് പരിക്കേറ്റത്. കോഹ് ലിക്ക് പരിക്ക് എന്ന വാര്ത്ത സത്യമാണോ എന്നാണ് ആരാധകര് ഉന്നയിക്കുന്ന ചോദ്യം.
ഫോമില്ലായ്മയെ തുടര്ന്ന് കോഹ് ലിയെ ടീമില് നിന്ന് ഒഴിവാക്കി എന്നതിന് പകരം പരിക്കിന്റെ പേര് പറയുകയാണോ എന്നാണ് ആരാധകര് ചോദിക്കുന്നത്. നാഭിക്ക് പരിക്ക് പറ്റിയാല് നടക്കാന് പോലും സാധിക്കില്ല. എന്നാല് കോഹ് ലി ലണ്ടന് നഗരത്തില് ചുറ്റുകയാണ് എന്നും ആരാധകര് പറയുന്നു.
കോഹ്ലിയെ സ്കാനിങ്ങിനെ വിധേയനാക്കിയതായും സ്കാനിങ് റിപ്പോര്ട്ട് വന്നതിന് ശേഷമാവും ആദ്യ ഏകദിനം കളിക്കുമോ ഇല്ലയോ എന്നത് തീരുമാനിക്കുക എന്നുമാണ് ബിസിസിഐ വൃത്തങ്ങള് വ്യക്തമാക്കിയത്. എന്നാല് അനുഷ്കയ്ക്കൊപ്പം കോഹ് ലി ലണ്ടനില് കറങ്ങുന്നതിന്റെ ഫോട്ടോകളും വീഡിയോകളും സമൂഹമാധ്യമങ്ങളില് എത്തിയിരുന്നു. ഇതാണ് ആരാധകരെ പ്രകോപിപ്പിച്ചത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ