യൂജിന്: ജാവലിന് ത്രോയില് ഇന്ത്യയുടെ മെഡല് പ്രതീക്ഷയായ നീരജ് ചോപ്ര ലോക അത്ലറ്റിക്സ് ചാമ്പ്യന്ഷിപ്പ് ഫൈനലില്. തന്റെ ആദ്യ ശ്രമത്തില് 88.39 മീറ്റര് കണ്ടെത്തിയാണ് നീരജ് ചോപ്ര ഫൈനലില് സ്ഥാനം ഉറപ്പിച്ചത്.
ഞായറാഴ്ചയാണ് ഈ ഇനത്തിലെ മെഡല് റൗണ്ട്. 90 മീറ്ററിലേക്ക് ലോക ചാമ്പ്യന്ഷിപ്പില് നീരജ് ചോപ്ര എത്തുമോ എന്ന കാത്തിരിപ്പിലായിരുന്നു കായിക പ്രേമികള്. ഡയമണ്ട് ലീഗില് 89.94 മീറ്റര് എറിഞ്ഞ് നീരജ് സ്വര്ണവും ദേശിയ റെക്കോര്ഡും തന്റെ പേരിലാക്കിയിരുന്നു.
ജാവലിന് ത്രോയില് ഈ വര്ഷം കണ്ടതില് ഏറ്റവും മികച്ച മൂന്നാമത്തെ ദൂരമാണ് ഡയമണ്ട് ലീഗില് 89.94 മീറ്റര് എറിഞ്ഞ് നീരജ് ചോപ്ര കണ്ടെത്തിയിരുന്നത്. ലോക അത്ലറ്റിക്സ് ചാമ്പ്യന്ഷിപ്പില് ഫൈനല് റൗണ്ടിലേക്ക് യോഗ്യത നേടാന് 86.65 മീറ്റര് ദൂരം മാത്രമാണ് വേണ്ടിയിരുന്നത്. അത് നീരജിന് അനായാസം സാധിച്ചു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ