മുംബൈ: ഇന്‍സ്റ്റഗ്രാം ലൈവ് തടസപ്പെട്ടതിന് പിന്നാലെ പ്രതികരണവുമായി കമന്റേറ്റര്‍ ഹര്‍ഷ ഭോഗ്‌ലെ. താന്‍ സുഖമായിരിക്കുന്നതായാണ് ആശങ്കയോടെ നിന്ന ആരാധകരെ ഹര്‍ഷ അറിയിക്കുന്നത്.
കഴിഞ്ഞ ദിവസം ഇന്‍സ്റ്റാ ലൈവിന് ഇടയില്‍ ഭോഗ്‌ലെയുടെ വീഡിയോ തടസപ്പെട്ടതോടെയാണ് ആശങ്ക ഉടലെടുത്തു. ഭോഗ്‌ലെയ്ക്ക് എന്ത് സംഭവിച്ചു എന്ന ചോദ്യവുമായി ആരാധകരെത്തി. ഭോഗ്‌ലെയുടെ കാമറ വീണതായി തോന്നിച്ചതിന് പിന്നാലെ എന്ത് പറ്റി എന്ന് അവതാരകന്‍ ആശങ്കയോടെ ഭോഗ്‌ലെയോട് ചോദിക്കുന്നു.
എന്നാല്‍ ഞാന്‍ സുഖമായിരിക്കുന്നു എന്ന ട്വീറ്റുമായി ഭോഗ്‌ലെ എത്തി. നിങ്ങളെ ആശങ്കപ്പെടുത്തിയതില്‍ ക്ഷമ ചോദിക്കുന്നു. നിങ്ങളുടെ സ്‌നേഹത്തിനും കരുതലിനും നന്ദി. ഞാന്‍ വിചാരിച്ചതിനേക്കാള്‍ കൂടുതല്‍ വൈറലായി ഇത്. അതും ഒരു പാഠമാണ്. മറ്റൊരു കാര്യം ഉദ്ധേശിച്ചാണ് അങ്ങനെ ചെയ്തത്. ക്ഷമിക്കണം, ഭോഗ്‌ലെ ട്വിറ്ററില്‍ കുറിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
