ദുബായ്: ഏഷ്യാ കപ്പില് അര്ധ ശതകം കണ്ടെത്തി ഫോമിലേക്ക് തിരിച്ചെത്തുന്നതിന്റെ സൂചനകളാണ് കോഹ് ലി നല്കുന്നത്. ഏഷ്യാ കപ്പ് സൂപ്പര് ഫോറിലെ പാകിസ്ഥാനെതിരായ മത്സരത്തിന് മുന്പായി വിരാട് കോഹ്ലി നടത്തിയ പരിശീലനമാണ് ഇപ്പോള് ആരാധകര്ക്കിടയില് ചര്ച്ചയാവുന്നത്.
വെള്ളിയാഴ്ച മറ്റ് ഇന്ത്യന് താരങ്ങള് പരിശീലനം കഴിഞ്ഞ് കയറിയതിന് ശേഷവും തനിച്ച് പരിശീലനം നടത്തുകയായിരുന്നു കോഹ്ലി. പ്രത്യേകത തരം മാസ്ക് ധരിച്ച് 10 മിനിറ്റ് ധോനി തനിച്ച് ഓടി. ദീര്ഘദൂര ഓട്ടക്കാരാണ് ഇത്തരത്തില് പരിശീലനം നടത്തുന്നത്.
ശ്വാസകോശത്തിന്റെ കരുത്ത് കൂട്ടാന് ഉള്പ്പെടെ ഈ പരിശീലനത്തിലൂടെ അത്ലറ്റുകള് ലക്ഷ്യം വെക്കുന്നു. ഫിറ്റ്നസ് നിലനിര്ത്തുക എന്ന കോഹ്ലിയുടെ ലക്ഷ്യത്തിന്റെ ഭാഗമാണ് ഈ പരിശീലനവും. ദുബായിലെ താപനില പ്രതികൂലമായിട്ടും കോഹ്ലിയെ പിന്തിരിപ്പിക്കാനായില്ല.
ഏഷ്യാ കപ്പില് ഹോങ്കോങ്ങിന് എതിരെ 44 പന്തില് നിന്ന് 59 റണ്സ് ആണ് കോഹ്ലി നേടിയത്. ഒരു ഫോറും മൂന്ന് സിക്സും കോഹ്ലിയുടെ ബാറ്റില് നിന്ന് വന്നു. ഏഷ്യാ കപ്പില് പാകിസ്ഥാന് എതിരേയും റണ്സ് കണ്ടെത്താന് കോഹ് ലിക്ക് കഴിഞ്ഞിരുന്നു. 34 പന്തില് നിന്നാണ് കോഹ് ലി 35 റണ്സ് നേടിയത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ