റൊമേരോയ്ക്ക് പകരം ലിസാന്‍ഡ്രോ മാര്‍ട്ടിനസ്; ആദ്യ ഇലവനില്‍ 4 മാറ്റങ്ങള്‍ക്ക് സാധ്യത 

By സമകാലിക മലയാളം ഡെസ്‌ക്‌  |   Published: 24th November 2022 12:35 PM  |  

Last Updated: 24th November 2022 12:35 PM  |   A+A-   |  

messi_argentina

ഫോട്ടോ: എഎഫ്പി

 

ദോഹ: മെക്‌സിക്കോയ്ക്ക് എതിരെ ഇറങ്ങുമ്പോള്‍ സൗദിക്കെതിരെ ഇറക്കിയ ആദ്യ ഇലവനില്‍ നിന്ന് അര്‍ജന്റീന നാല് മാറ്റങ്ങള്‍ വരുത്തുമെന്ന് സൂചന. ഫിറ്റ്‌നസ് പൂര്‍ണമായും വീണ്ടെടുത്തിട്ടില്ലാത്ത റൊമേരോയെ ആദ്യ ഇലവനില്‍ നിന്ന് ഉറപ്പാക്കുമെന്ന് ഏറെ കുറെ ഉറപ്പാണ്. 

പ്രതിരോധ നിരയിലേക്ക് റോമേരോയ്ക്ക് പകരം ലിസാന്‍ഡ്രോ മാര്‍ട്ടിനസ് എത്താനാണ് സാധ്യത. മധ്യനിരയില്‍ പഴികേട്ട പപ്പു ഗോമസിന് പകരം എന്‍സോ ഫെര്‍ണാണ്ടസ്, അല്ലിസ്റ്റര്‍ എന്നിവരിലൊരാള്‍ വന്നേക്കും. വിങ് ബാക്കുകളായ നിക്കോളാസ് ടാഗ്ലിയോഫിക്കോക്കും മോണീനക്കും ആദ്യ ഇലവനില്‍ സ്ഥാനം നഷ്ടമായേക്കും. 

അക്കൂനയും മോന്റിയേലും വിങ് ബാക്കുകളായി വരാനാണ് സാധ്യത. മെക്‌സിക്കോ, പോളണ്ട് എന്നിവര്‍ക്കെതിരെ പിഴവുകള്‍ക്ക് സ്ഥാനമില്ലെന്നിരിക്കെ ആദ്യ ഇലവനെ തെരഞ്ഞെടുക്കുന്നതില്‍ സ്‌കലോനിക്ക് വിട്ടുവീഴ്ച ചെയ്യാനാവില്ല. 

നവംബര്‍ 27നാണ് അര്‍ജന്റീന-മെക്‌സിക്കോ മത്സരം. നിലവില്‍ ഗ്രൂപ്പ് സിയില്‍ രണ്ട് പോയിന്റുമായി സൗദിയാണ് മുന്‍പില്‍.പോളണ്ടും മെക്‌സിക്കോയും ഓരോ പോയിന്റ് വീതം നേടി നില്‍ക്കുന്നു. അര്‍ജന്റീനയ്ക്ക് മെക്‌സിക്കോയേയും പോളണ്ടിനേയും തോല്‍പ്പിച്ചാല്‍ അവര്‍ക്ക് ആറ് പോയിന്റാവും.

ഈ വാര്‍ത്ത കൂടി വായിക്കൂ 

ഫിഫ തലവന് മുന്‍പില്‍ വണ്‍ ലൗ ആം ബാന്‍ഡ് ധരിച്ച് ബെല്‍ജിയം മന്ത്രി; ഗ്യാലറിയില്‍ ജര്‍മന്‍ മന്ത്രിയും 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ