ദുബൈ: ഐസിസി ഏകദിന റാങ്കിങില് മികച്ച നേട്ടവുമായി ഇന്ത്യന് ബാറ്റര് ശുഭ്മന് ഗില്. പട്ടികയില് നാലാമതാണ് ഗില്. 738 റേറ്റിങ് പോയന്റുമായാണ് ഗില് കരിയറിലെ ഏറ്റവും മികച്ച റാങ്കിലെത്തിയത്. കൂടാതെ, സൂപ്പര് ബാറ്റര്മാരായ വിരാട് കോഹ് ലിയും രോഹിത് ശര്മയും ആദ്യ പത്തില് ഇടം പിടിച്ചു.
കോഹ് ലി ഏഴാമതും രോഹിത് എട്ടാമതുമാണ്. പാക് നായകന് ബാബര് അസമാണ് ഒന്നാം സ്ഥാനത്ത്. മൂന്നു ഫോര്മാറ്റിലുമായി ഇന്ത്യക്കുവേണ്ടി മികച്ച പ്രകടനം കാഴ്ചവെച്ചതാണ് ഗില്ലിന് നേട്ടമായത്. ബൗളര്മാരില് ആദ്യ പത്തിലെ ഏക ഇന്ത്യന് താരം മുഹമ്മദ് സിറാജാണ്. ഓസ്ട്രേലിയയുടെ ജോഷ് ഹാസില്വുഡ്, ന്യൂസിലന്ഡിന്റെ ട്രെന്റ് ബോര്ട്ട് എന്നിവര്ക്ക് പിന്നിലായി മൂന്നാം സ്ഥാനത്താണ് സിറാജ്.
ട്വന്റി20 റാങ്കിങ്ങില് ഇന്ത്യന് ബാറ്റര് സൂര്യകുമാര് യാദവ് തന്നെയാണ് ഒന്നാം സ്ഥാനത്ത്. ഓള് റൗണ്ടര്മാരുടെ പട്ടികയില് ഹാര്ദിക് പാണ്ഡ്യ രണ്ടാം സ്ഥാനം നിലനിര്ത്തി.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ