മുംബൈ: വെങ്കടേഷ് അയ്യരുടെ സെഞ്ച്വറി പാഴായി. ഐപിഎല്ലില് വിജയ വഴിയില് തിരിച്ചെത്തി മുംബൈ ഇന്ത്യന്സ്. കൊല്ക്കത്ത നൈറ്റ് റൈഡേഴ്സിനെ അഞ്ചു വിക്കറ്റിന് തോല്പ്പിച്ചു. വെങ്കിടേഷ് അയ്യരുടെ സെഞ്ച്വറിയുടെ (104) കരുത്തില് കൊല്ക്കത്ത ഉയര്ത്തിയ 186 റണ്സ് വിജയലക്ഷ്യം 5 വിക്കറ്റ് നഷ്ടത്തില് 14 പന്ത് ശേഷിക്കെ മുംബൈ മറികടന്നു.
ഇഷാന് കിഷന്റെ കൂറ്റനടി നിറഞ്ഞ ഇന്നിങ്സാണ് മുംബൈ വിജയം എളുപ്പമാക്കിയത്. അഞ്ച് വീതം സിക്സറുകളും ബൗണ്ടറികളുമടക്കം 25 പന്തുകളില് താരം 58 റണ്സാണെടുത്തത്. രോഹിതും കിഷനും ചേര്ന്ന് ആദ്യത്തെ അഞ്ച് ഓവറില് 65 റണ്സായിരുന്നു കൂട്ടിച്ചേര്ത്തത്. രോഹിത് 13 പന്തില് 20 റണ്സെടുത്തു. സൂര്യ കുമാര് യാദവ് 25 പന്തില് 43 റണ്സ് എടുത്തു. തിലക് വര്മ (30), ടീം ഡേവിഡ് (24) എന്നിവരും തിളങ്ങി.
ടോസ് നേടി മുംബൈ ബൗളിങ് തെരഞ്ഞെടുക്കുകയായിരുന്നു. 49 പന്തുകള് നേരിട്ട് ഒന്പത് സിക്സും ആറ് ഫോറും സഹിതമാണ് അയ്യര് 100 കടന്നത്.
വെങ്കടേഷിന് പുറമെ 11 പന്തില് 21 റണ്സ് അടിച്ചെടുത്ത ആന്ദ്ര റസ്സല് ഒടുവില് ഫോമിലേക്ക് മടങ്ങുന്നതിന്റെ സൂചനകള് നല്കി. താരം മൂന്ന് ഫോറും ഒരു സിക്സും പറത്തി പുറത്താകാതെ നിന്നു. സുനില് നരെയ്ന് രണ്ട് റണ്ണുമായി പുറത്താകാതെ നിന്നു.
റഹ്മാനുല്ല ഗുര്ബാസ് (എട്ട്), നാരായന് ജഗദീശന് (പൂജ്യം), ക്യാപ്റ്റന് നിതീഷ് റാണ (അഞ്ച്), ശാര്ദുല് ഠാക്കൂര് (13), റിങ്കു സിങ് (18) എന്നിവരാണ് പുറത്തായ മറ്റു താരങ്ങള്.
മുംബൈക്കായി ഹൃതിക് ഷോകീന് രണ്ട് വിക്കറ്റുകള് വീഴ്ത്തി. കാമറോണ് ഗ്രീന്, ഡ്വാന് ജെന്സന്, പിയൂഷ് ചൗള, റിലെ മെരെഡിത് എന്നിവര് ഓരോ വിക്കറ്റ് വീഴ്ത്തി.
ഈ വാര്ത്ത കൂടി വായിക്കൂ 2008ല് മക്കെല്ലം... 2023ല് വെങ്കടേഷ് അയ്യര്; സെഞ്ച്വറി ഇല്ലാതെ കടന്നു പോയത് 5,476 ദിവസങ്ങള്!
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ