ബംഗളൂരു: ഏഷ്യൻ ഗെയിംസിന് യോഗ്യത ഉറപ്പിച്ച് ഇന്ത്യയുടെ വനിതാ ലോങ് ജംപ് താരം ഷൈലി സിങ്. വനിതാ ലോങ് ജംപിൽ ഒരു ഇന്ത്യക്കാരുടെ മികച്ച രണ്ടാമത്തെ പ്രകടനമെന്ന നേട്ടത്തോടെയാണ് താരം യോഗ്യത ഉറപ്പിച്ചത്.
ബംഗളൂരുവിൽ നടന്ന ഇന്ത്യൻ ഗ്രാൻപ്രീ അത്‌ലറ്റിക്സ് പോരാട്ടത്തിലാണ് ഷൈലിയുടെ മിന്നും പ്രകടനം. നാലാം പാദത്തിൽ 6.76 മീറ്റർ ദൂരമാണ് താരം താണ്ടിയത്. മലയാളി ഇതിഹാസ അത്‌ലറ്റ് അഞ്ജു ബോബി ജോർജിന്റെ കീഴിലാണ് ഷൈലി പരിശീലിക്കുന്നത്. 6.83 മീറ്റർ പിന്നിട്ട അഞ്ജുവിന്റെ പേരിലാണ് നിലവിലെ ദേശീയ റെക്കോർഡ്.
മത്സരത്തിൽ മലയാളി താരം നയന ജെയിംസിനാണ് വെള്ളി. പുരുഷ ലോങ് ജംപിൽ മലയാളി താരം മുഹമ്മദ് അനീസും 400 മീറ്ററിൽ അമോജ് ജേക്കബും സ്വർണം നേടി. 400 മീറ്ററിൽ മുഹമ്മദ് അജ്മൽ വെള്ളിയും 200 മീറ്ററിൽ മുഹമ്മദ് അനസ് വെങ്കലവും സ്വന്തമാക്കി. വനിതകളുടെ 1500 മീറ്ററിൽ പിയു ചിത്ര വെള്ളി നേടി.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
